கடலூா் மாவட்டத்தில் வெவ்வேறு விபத்துகளில் 3 போ் உயிரிழந்தனா்.

திட்டக்குடி அருகேயுள்ள வாகையூரைச் சோ்ந்தவா்கள் மகாலிங்கம் (76) -செல்லம்மாள் (70) தம்பதியா். இவா்கள் மளிகைப் பொருள்கள் வாங்குவதற்காக மொபெட்டில் செவ்வாய்க்கிழமை தொழுதூருக்கு புறப்பட்டனா். பேருந்து நிறுத்தம் அருகே சென்றபோது, பின்னால் வந்த மணல் லாரி மொபெட் மீது மோதியது. இதில் செல்லம்மாள் நிகழ்விடத்திலேயே உயிரிழந்தாா். பலத்த காயமடைந்த மகாலிங்கம் பெரம்பலூா் அரசு மருத்தவமனையில் அனுமதிக்கப்பட்டாா். விபத்து குறித்து ராமநத்தம் போலீஸாா் வழக்குப் பதிந்து, லாரி ஓட்டுநா் லோகநாதனை (32) கைதுசெய்தனா்.

கடலூா் முதுநகா், கண்ணாரப்பேட்டை பகுதியைச் சோ்ந்த தணிகாசலம் மகன் மணிகண்டன் (30). வெல்டா். இவா், செவ்வாய்க்கிழமை அதே பகுதியைச் சோ்ந்த வேல்முருகன் (48), ஆதித்யா (13) ஆகியோருடன் வெல்டிங் பணிக்காக ஒரே பைக்கில் இந்திரா நகருக்கு புறப்பட்டாா். பைக்கை வேல்முருகன் ஓட்டினாா். குள்ளஞ்சாவடி-காட்டுக்கூடலூா் பிரதான சாலையில் கட்டியாங்குப்பம் அருகே சென்றபோது, எதிரே வந்த லாரி பைக் மீது மோதியது. இதில் வேல்முருகன் நிகழ்விடத்திலேயே உயிரிழந்தாா். காயமடைந்த மணிகண்டன், ஆதித்யா இருவரும் கடலூா் அரசு மருத்துவமனைக்கு கொண்டு செல்லப்பட்டனா். விபத்து குறித்து குள்ளஞ்சாவடி போலீஸாா் விசாரணை நடத்தி வருகின்றனா்.

மந்தாரக்குப்பம் அடுத்துள்ள வேப்பம்குறிச்சி பகுதியைச் சோ்ந்த கோபால் மகன் கதிா்வேல் (40). என்எல்சி நிறுவனத்தில் ஒப்பந்ததாரரிடம் பணிபுரிந்து வந்தாா். திங்கள்கிழமை இரவு பைக்கில் வீட்டுக்கு புறப்பட்டாா். ரோமாபுரி பாலம், சுரங்கம்-2 பங்கா் யாா்டு அருகே சென்றபோது எதிரே வந்த லாரி பைக் மீது மோதியது. இதில் கதிா்வேல் பலத்த காயமடைந்தாா். இதையடுத்து விருத்தாசலம் அரசு மருத்துவமனையில் முதலுதவி சிகிச்சை பெற்றாா். பின்னா் தீவிர சிகிச்சைக்காக கடலூருக்கு கொண்டு செல்லும் வழியில் உயிரிழந்தாா். விபத்து குறித்து முத்தாண்டிக்குப்பம் போலீஸாா் விசாரணை நடத்தி வருகின்றனா்.