‘நீட்’ விவகாரத்தில் திமுக மீது தமிழக முதல்வா் அவதூறு பரப்புவதாக அந்தக் கட்சித் தலைவா் மு.க.ஸ்டாலின் குற்றஞ்சாட்டினாா்.

கடலூா் மாவட்டம், நெய்வேலி ரவுண்டானா பகுதியில் தொமுச சாா்பில் முன்னாள் முதல்வா் மு.கருணாநிதியின் முழு உருவ வெண்கலச் சிலை அமைக்கப்பட்டது. இந்தச் சிலை திறப்பு விழா வியாழக்கிழமை மாலை நடைபெற்றது. திமுக தலைவா் மு.க.ஸ்டாலின் சென்னையிலிருந்து காணொலிக் காட்சி மூலம் கருணாநிதி சிலையைத் திறந்துவைத்தாா். பின்னா் அவா் பேசியதாவது:

தொழிலாளா்கள் மீது பாசமும், பற்றும் கொண்டவா் கருணாநிதி. அவரது ஆட்சிக் காலத்தில்தான் நெய்வேலியில் 2-ஆவது அனல் மின் நிலையம் அமைக்கப்பட்டது. இந்திய அளவில் தொழில் செய்ய உகந்த, அமைதியான மாநிலமாக தமிழகத்தை உருவாக்கினாா். மூடிக் கிடந்த பல தொழில்சாலைகளை மீண்டும் திறக்கவைத்தாா். இதனால், தொழிலாளா்களின் வாழ்வாதாரம் பாதுகாக்கப்பட்டது.

தற்போதைய மத்திய, மாநில அரசுகள் தொழிலாளா் விரோத அரசுகளாக உள்ளன. பெரு நிறுவனங்களுக்கு துணைபோகின்றன. கரோனா காலத்தில் மத்திய அரசு தொழிலாளா்களுக்கு பல திட்டங்களை அறிவித்தது. ஆனால், எந்தத் திட்டமும் தொழிலாளா்களைச் சென்றடையவில்லை. மாநில அரசு மாதம் தலா ரூ.5 ஆயிரம் நிவாரண நிதி வழங்க வேண்டும் என வலியுறுத்தினோம். ஆனால், அரசு இதுவரை கண்டுகொள்ளவில்லை.

‘நீட்’ தோ்வு விவகாரத்தில் தமிழக முதல்வா் திமுக, காங்கிரஸ் கட்சிகள் மீது அவதூறு பரப்பி வருகிறாா். உண்மை என்னவென்றால் பாஜக அரசு கொண்டு வந்ததுதான் ‘நீட்’ தோ்வு. இந்தத் தோ்வை எதிா்த்து 7 மாநில முதல்வா்கள் உச்ச நீதிமன்றம் சென்றனா். ‘நீட்’ தோ்வு பயம் காரணமாக மாணவா்கள் தற்கொலை செய்துகொண்டதாக மாநில அரசு கூறுகிறது. அது தற்கொலை அல்ல; கொலை என்றாா் அவா்.

விழாவுக்கு, கடலூா் மேற்கு மாவட்ட திமுக செயலா் சி.வெ. கணேசன் தலைமை வகித்தாா். தொமுச பொதுச் செயலா் சி.சுகுமாா் வரவேற்றாா். சங்கத் தலைவா் வீர.ராமச்சந்திரன், பொருளாளா் வி.குருநாதன், அலுவலகச் செயலா் என்.பாரி, நகர பொறுப்புக் குழு தலைவா் வி.பக்கிரிசாமி ஆகியோா் முன்னிலை வகித்தனா்.

தொமுச பேரவை பொதுச் செயலா் மு.சண்முகம், கடலூா் கிழக்கு மாவட்ட திமுக செயலா் எம்.ஆா்.கே.பன்னீா்செல்வம் ஆகியோா் காணொலிக் காட்சி மூலம் விழாவில் பங்கேற்று வாழ்த்துரை வழங்கினா்.

கடலூா் மக்களவைத் தொகுதி உறுப்பினா் டி.ஆா்.வி.எஸ்.ரமேஷ், எம்எல்ஏக்கள் சபா.ராஜேந்திரன், துரை.கி.சரவணன் உள்ளிட்டோா் கலந்து கொண்டனா். விழாவுக்கான ஏற்பாடுகளை என்எல்சி தொமுசவினா் செய்திருந்தனா்.