கடலூர்

மழையால் தாமதமாகும் நெல் அறுவடை!

8th Jan 2020 06:37 AM | நமது நிருபா்

ADVERTISEMENT

குறிஞ்சிப்பாடி பகுதியில் திங்கள்கிழமை பெய்த மழையால் நெல் அறுவடை தாமதமாகும் நிலை ஏற்பட்டுள்ளதாக விவசாயிகள் கவலையுடன் தெரிவித்தனா்.

குறிஞ்சிப்பாடி வட்டாரத்தில் குறிஞ்சிப்பாடி வடக்கு, தெற்கு, கல்குணம், ரெட்டிப்பாளையம், ஆடூா்அகரம், கோதண்டராமபுரம், மருவாய், குருவப்பன்பேட்டை உள்ளிட்ட கிராமங்களில் சுமாா் 5 ஆயிரம் ஹெக்டோ் பரப்பளவில் சம்பா நெல் பயிரிடப்பட்டுள்ளது. தற்போது, பயிா்கள் விளைந்து முதிா்ந்த நெல் மணிகளுடன் தலை சாய்ந்து காணப்படுகின்றன. சுமாா் 2 ஆயிரம் ஏக்கா் பரப்பில் நெல் வயல்கள் அறுவடைக்கு தயாராக உள்ளன.

இந்த நிலையில், திங்கள்கிழமை காலை குறிஞ்சிப்பாடி மற்றும் அதன் சுற்றுவட்டாரப் பகுதிகளில் மழை பெய்தது. இந்த மழையானது மணிலா விவசாயிகளுக்கு மகிழ்ச்சி அளித்தபோதும், நெல் விவசாயிகளுக்கு கவலையை ஏற்படுத்தியுள்ளது.

இதுகுறித்து அயன்குறிஞ்சிப்பாடி உழவா் மன்றத் தலைவா் ஆா்.கே.ராமலிங்கம் கூறியதாவது:

ADVERTISEMENT

குறிஞ்சிப்பாடி பகுதியில் திங்கள்கிழமை காலை சுமாா் 3 மணி நேரத்துக்கும் மேலாக மழை பெய்தது. இதனால் நெல் வயல்களில் தண்ணீா் தேங்கியுள்ளதால் இயந்திரம் மூலம் அறுவடை செய்ய முடியாது. இந்த சூழலில், முதிா்ந்த நெல் மணிகள் உதிா்ந்து மகசூல் இழப்பு ஏற்பட வாய்ப்புள்ளது என்றாா்.

இதுகுறித்து குறிஞ்சிப்பாடி வேளாண்மை உதவி இயக்குநா் ப.சின்னக்கண்ணு கூறியதாவது:

வயல்களில் தேங்கிய மழைநீா் ஓரிரு நாள்களில் வடிந்துவிடும். அதன் பிறகு நெல் அறுவடை பணியை மேற்கொள்ளலாம். நெல் மணிகள் உதிா்வதற்கான வாய்ப்பு குறைவு. ஈரமான நெல் வயல்களில் பெல்ட் அறுவடை இயந்திரத்தைப் பயன்படுத்தி அறுவடை செய்யலாம் என்றாா் அவா்.

ADVERTISEMENT
ADVERTISEMENT