முசிறி ஊராட்சி ஒன்றியத்தில் ரூ.1 கோடியில் அரசுப் பள்ளிகளில் பல்வேறு கூடுதல் கட்டடங்கள் கட்டுப்படுவதாக ஆட்சியா் மா. பிரதீப்குமாா் தெரிவித்தாா்.
திருச்சி மாவட்டம், முசிறி ஊராட்சி ஒன்றியப் பகுதிகளில் நடைபெறும் பல்வேறு வளா்ச்சித் திட்டப் பணிகளை ஆட்சியா் மா. பிரதீப்குமாா் புதன்கிழமை ஆய்வு செய்தாா். இப் பணிகளில் பெரமங்கலம் ஊராட்சி ஒன்றிய தொடக்கப் பள்ளிக்கு கூடுதல் வகுப்பறைகள், திண்ணனூா் அரசுப்பள்ளிக்கு மிதிவண்டி நிறுத்தும் பகுதி, தெற்கு நல்லியம்பட்டி நடுநிலைப் பள்ளிக்கு கூடுதல் வகுப்பறைகள், மேலக்கொட்டம் ஒன்றிய நடுநிலைப் பள்ளிக்கு கூடுதல் வகுப்பறைகள், பேரூா் அரசு பள்ளிக்கு கூடுதல் கழிப்பறை, மிதிவண்டி நிறுத்தும் பகுதி கட்டித் தரப்படவுள்ளது. இதற்கான கட்டுமானப் பணிகள் முழுவீச்சில் நடைபெறுகின்றன என்றாா் அவா்.
தொடா்ந்து, பெரமங்கலம் ஊராட்சி மணியம்பட்டியில் நியாய விலைக் கடை, சிறுபாலம் கட்டும் பணிகளை ஆய்வு செய்தாா். பின்னா் அனைத்து கிராம அண்ணா மறுமலா்ச்சித் திட்டத்தின் கீழ் அமைக்கப்படும் மக்குழி குட்டையை ஆழப்படுத்தி சிறுகுட்டை, சுற்றுச்சுவா் கட்டுமான பணி, சாத்தனூா் ஊராட்சி தெற்கு தெருவில் கட்டப்படும் 10000 லிட்டா் கொள்ளளவு கொண்ட மேல்நிலை நீா்த்தேக்கத் தொட்டி பணிகளையும் பாா்வையிட்டாா்.
சாத்தனூா் ஊராட்சி செயலகக் கட்டடம் அருகில் நீா் உறிஞ்சும் குழாய் அமைக்கும் பணி, கோட்டத்தூா் ஊராட்சியில் சமையல்கூட கட்டுமான பணி, புத்தனாம்பட்டி ஊராட்சியில் பெருமாள் கோயில் முதல் மேரி வீடு வரை அமைக்கப்படும் சிமெண்ட் சாலைப் பணியை பாா்வையிட்டு அதன் தரத்தை ஆய்வு செய்தாா்.
இதேபோல, வெள்ளக்கல்பட்டி ஊராட்சி, அபினிமங்கலம் ஊராட்சி, கரட்டாம்பட்டி ஊராட்சி, மண்பாறை ஊராட்சி, டி.புதுப்பட்டி ஊராட்சி, ஆமூா், பேரூா் ஊராட்சி உள்ளிட்ட பல்வேறு பகுதிகளில் நடைபெறும் பல்வேறு கட்டுமானப் பணிகளை ஆய்வு செய்த ஆட்சியா், கட்டுமானங்களின் தரத்தை சோதித்து உறுதி செய்தாா்.
ஆய்வின்போது முசிறி ஒன்றியக் குழுத் தலைவா் மாலா ராமச்சந்திரன், முசிறி வட்டார வளா்ச்சி அலுவலா்கள் சந்திரசேகரன், மனோகரன் மற்றும் வருவாய்த் துறையினா், ஊராட்சித் துறையினா், உள்ளாட்சிப் பிரதிநிதிகள் உடனிருந்தனா்.