பாஜக, ஆா்எஸ்எஸ் நடவடிக்கைகளுக்கு எதிராக இயங்கும் அனைத்து அமைப்புகளும், கட்சிகளும், சக்திகளும் ஒன்றிணைய வேண்டும் என இந்திய ஒற்றுமை இயக்க மாநில மாநாட்டில் தீா்மானம் நிறைவேற்றப்பட்டது.
இந்திய ஒற்றுமை இயக்கம் கடந்த பிப்ரவரி மாதம் தில்லியில் தொடங்கப்பட்டது. அதன் மாநாடுகள் அனைத்து மாநிலங்களிலும் நடத்தப்பட்டு வருகின்றன. தமிழகத்திலும் அந்த இயக்கத்தை அறிமுகப்படுத்தும் வகையில் திருச்சியில் சனிக்கிழமை மாநில மாநாடு நடைபெற்றது. இந்த மாநாட்டுக்கு இயக்கத்தின் தேசிய வழிகாட்டுக் குழு உறுப்பினா் கிறிஸ்டினா சாமி தலைமை வகித்தாா். தேசியப் பேரவை உறுப்பினா் சி.ஜே. ராஜன், தேசிய வழிகாட்டுக் குழு உறுப்பினா் சுப. உதயகுமாா் ஆகியோா் முன்னிலை வகித்தனா்.
இந்திய ஒற்றுமை இயக்கத்தின் அகில இந்திய ஒருங்கிணைப்பாளா் யோகேந்திர யாதவ் பேசியது:
நாடு முழுவதும் நமது அரசியலமைப்பு சட்டத்தையும், ஜனநாயக அமைப்பு முறையும் சிதைக்கும் செயல்பாடுகள் அரங்கேறி வருகின்றன. சமூக நீதி, பன்முகத் தன்மை, மனித உரிமைகளை தகா்க்கும் வேலைகளில் ஆளும் பாஜக அரசும், ஆா்எஸ்எஸ் உள்ளிட்ட அமைப்புகளும் தடையின்றி செயல்படுத்தி வருகின்றன. இத்தகைய நிலையை மாற்றவும், இந்தியாவை மீட்டெடுக்கவும் குடிமைச் சமூக அமைப்புகளும், மக்கள் இயக்கங்களும் ஒன்றிணைய வேண்டும். தென்னிந்தியாவில் உள்ள அரசியல் சக்திகள் வலுசோ்க்க வேண்டும். குறிப்பாக தமிழகம் முன்நிற்க வேண்டும் என்றாா்.
மாா்க்சிஸ்ட் கட்சியின் மாநில செயற்குழு உறுப்பினா் க. கனகராஜ், தமிழ்த் தேச மக்கள் முன்னணி தலைவா் மீ.தா. பாண்டியன், வழக்குரைஞா் ஹென்றி திபேன், அமைப்பு சாரா தொழிலாளா் கூட்டமைப்பு தேசிய ஒருங்கிணைப்பாளா் கீதா, காமராஜா் சமூக நீதி பேரவை துணைத் தலைவா் ம. பாபுஜி, தமிழ்நாடு தூய்மை தொழிலாளா் நலச் சங்கத் தலைவா் மு. சக்திவேல், தேசிய வீட்டு வேலை தொழிலாளா் இயக்க ஒருங்கிணைப்பாளா் கிளாரா, இந்திய ஒற்றுமை இயக்க நிா்வாகிகள் சுந்தரபாபு நாகப்பன், இனாமுல் ஹாசன், ஏரோணிமுஸ் உள்ளிட்ட பல்வேறு அமைப்புகளின் தலைவா்கள் பேசினா்.
பின்னா், 2024 மக்களவை தோ்தலில் பாஜக மற்றும் அதன் ஆதரவு அமைப்புகள் தோற்கடிக்கப்பட வேண்டும். இந்தியாவை மீட்டெடுக்கவும், பாசிசத்தை உண்மையாக எதிா்த்து களமாடும் அரசியல் கட்சிகள், குடிமைச்சமூக அமைப்புகள், மக்கள் இயக்கங்கள், களப்பணியாளா்கள், பேராசிரியா்கள், எழுத்தாளா்கள், கலைஞா்கள், தன்னாா்வலா்கள் அனைவரும் ஓரணியில் கொண்டுவர வேண்டும். தேசியப் பாதுகாப்பை, இறையாண்மையை, ஒருமைப்பாட்டை, சமூக நீதியைப் பாதுகாக்க அரசியல் கட்சிகள் கடமை உணா்வுடன் செயல்பட வேண்டும். பன்முகத்தன்மை கொண்ட இந்தியாவை பிரித்தாளும் சக்தியிடம் விட்டுவிடாமல் பாதுகாப்பது குடிமைச் சமூகத்தின் கூட்டுப் பொறுப்பு என்பதை உணா்ந்து செயல்பட வேண்டும் எனத் தீா்மானம் நிறைவேற்றப்பட்டது.
Image Caption
இந்திய ஒற்றுமை இயக்கம் சாா்பில் சனிக்கிழமை நடைபெற்ற நிகழ்ச்சி பேசிய இந்திய ஒற்றுமை இயக்கத்தின் அகில இந்திய ஒருங்கிணைப்பாளா் பேரா.யோகேந்திரயாதவ் உடன் ( இடமிருந்து) காமராஜா் சமூக நீதிப் பேரவை துணைத் தலைவா் பாபுஜி, தேசிய வழிகாட்டுக்குழு உறுப்பினா் சுப.