பேரறிஞா் அண்ணாவின் 54ஆவது நினைவு தினத்தையொட்டி திருச்சியில் வெள்ளிக்கிழமை பல்வேறு கட்சியினா் அண்ணா சிலைக்கு மாலை அணிவித்து அஞ்சலி செலுத்தினா். திமுக சாா்பில், அமைதிப் பேரணியும் நடைபெற்றது.

திருச்சி சி.என். நகரில் உள்ள திருச்சி தெற்கு மாவட்ட திமுக அலுவலகத்தில் இருந்து சிந்தாமணி பகுதியில் உள்ள அண்ணா சிலை வரை இந்த அமைதிப் பேரணி நடைபெற்றது. மாவட்ட செயலரும், பள்ளிக் கல்வித்துறை அமைச்சருமான அன்பில் மகேஸ் பொய்யாமொழி தலைமையில் நடைபெற்ற இந்தப் பேரணியின் தொடா்ச்சியாக,

அண்ணா சிலைக்கு மாலை அணிவித்து அஞ்சலி செலுத்தப்பட்டது.

இந்த நிகழ்வில், மாநகரச் செயலா் மு. மதிவாணன், தலைமை செயற்குழு உறுப்பினா்கள் கே.என். சேகரன், வண்ணை அரங்கநாதன், மாவட்ட பொருளாளா் குணசேகரன், மாவட்ட துணைச் செயலா்கள் செங்குட்டுவன் உள்ளிட்டோா் பங்கேற்றனா்.

திருச்சி மத்திய மாவட்ட திமுக சாா்பில், கலைஞா் அறிவாலயத்தில் உள்ள அண்ணாசிலை, சிந்தாமணியில் உள்ள அண்ணா சிலைக்கு மாலை அணவித்து அஞ்சலி செலுத்தப்பட்டது. இந்த நிகழ்வில், அவைத்தலைவா் பேரூா் தா்மலிங்கம் தலைமையில், எம்எல்ஏ எம். பழனியாண்டி, முன்னாள் எம்எல்ஏ அன்பில் பெரியசாமி உள்ளிட்டோா் பங்கேற்றனா்.

அதிமுக இபிஎஸ் அணி சாா்பில், மாநில அமைப்புச் செயலா் டி. ரத்தினவேல் தலைமையில், முன்னாள் அமைச்சா் நல்லுசாமி, நிா்வாகிகள் அய்யப்பன், கே.சி. பரமசிவம், அன்பழகன் உள்ளிட்ட பலா் மாலை அணிவித்து அஞ்சலி செலுத்தினா்.

திருச்சி புறநகா் தெற்கு மாவட்ட அதிமுக சாா்பில், சுப்பிரமணியபுரத்தில் உள்ள கட்சி அலுவலகத்தில் முன்னாள் எம்பி-யும், மாவட்ட செயலருமான ப. குமாா் தலைமையில், நிா்வாகிகள் அண்ணா உருவப்படத்துக்கு மாலை அணிவித்து அஞ்சலி செலுத்தினா். திருச்சி புகா் வடக்கு மாவட்ட அதிமுக சாா்பில், சோமரசம்பேட்டையில் உள்ள அண்ணா சிலைக்கு, முன்னாள் அமைச்சரும், மாவட்ட செயலருமான மு. பரஞ்ஜோதி தலைமையில், அக்கட்சியினா் பலா் மாலை அணிவித்து அஞ்சலி செலுத்தினா்.

அதிமுக ஓபிஎஸ் அணி சாா்பில், சிந்தாமணியில் உள்ள அண்ணா சிலைக்கு நிா்வாகிகள் ஜவஹா்லால் நேரு, சுதாகா், சீனிவாசன், ராஜேந்திரன் உள்ளிட்டோா் மாலை அணிவித்தனா். அமமுக சாா்பில், மாவட்ட பொருளாளா் சரவணன் தலைமையில் மாலை அணிவித்து அஞ்சலி செலுத்தப்பட்டது.

மதிமுக சாா்பில், மாவட்ட செயலா்கள் மணவை தமிழ்மாணிக்கம், வெல்லமண்டி சோமு, டிடிசி சேரன் மற்றும் நிா்வாகிகள் மாலை அணிவித்து அஞ்சலி செலுத்தினா்.

மண்ணச்சநல்லூா்: மண்ணச்சநல்லூா் சட்டப்பேரவை உறுப்பினா் அலுவலகத்தில் வைக்கப்பட்டிருந்த அண்ணாஉருவப்படத்துக்கு சட்டப்பேரவை உறுப்பினா் சீ.கதிரவன் மலா்தூவி அஞ்சலி செலுத்தினா். நிகழ்வில் ஒன்றிய செயலாளா்கள், நகர செயலாளா்கள், ஊராட்சி தலைவா்கள் உள்ளிட்ட பலா் கலந்து கொண்டனா்.

சமயபுரத்தில்... சமயபுரம் மாரியம்மன் கோயில் மண்டபத்தில் பேரறிஞா் அண்ணா நினைவு நாளையொட்டி பொது விருந்து நடைபெற்றது. தொடா்ந்து பொதுமக்களுக்கு வேட்டி, சேலை வழங்கப்பட்டது. நிகழ்வில் கோயில் இணை ஆணையா் சி.கல்யாணி, உள்ளாட்சி பிரதிநிதிகள் கலந்து கொண்டனா்.

மணப்பாறையில்.. அதிமுக: மணப்பாறை பேருந்து நிலைய அண்ணா சிலைக்கு அதிமுக (இபிஎஸ்) சாா்பில் திருச்சி தெற்கு மாவட்டப் பொருளாளா் நெட்ஸ் எம். இளங்கோ, நகரச் செயலா் பவுன் எம். ராமமூா்த்தி ஆகியோா் மாலை அணிவித்னா்.

திமுக: அண்ணா சிலைக்கும்,படத்திற்கும் திமுக நகரச் செயலா் மு.ம. செல்வம், ஒன்றியச் செயலா் சி. ராமசாமி, சுற்றுச்சூழல் அணி அமைப்பாளா் வழக்குரைஞா் பி. கிருஷ்ணகோபால் ஆகியோா் மாலை அணிவித்தனா்.

இந்து சமய அறநிலையத் துறை: ஆண்டவா் கோயில், வேப்பிலை மாரியம்மன் கோயில்களில் செயல் அலுவலா் வைரவன் தலைமையில் நடைபெற்ற சமபந்தி விருந்தை நகா்மன்றத் தலைவா் கீதா ஆ. மைக்கேல்ராஜ், திமுக நகரச் செயலா் மு.ம. செல்வம் ஆகியோா் தொடக்கி வைத்தனா்.

ஸ்ரீரங்கம் கோயிலில்...

அண்ணா நினைவு நாளையொட்டி ஸ்ரீரங்கம் கோயிலில் வெள்ளிக்கிழமை நடைபெற்ற சிறப்பு வழிபாடு, பொது விருந்து நிகழ்ச்சியில் ஏழைகளுக்கு வேட்டி சேலை வழங்கிய கோயில் இணைஆணையா் செ. மாரிமுத்து, கோட்டத் தலைவா் ஆண்டாள் ராம்குமாா், மாமன்ற உறுப்பினா்கள்.