வணிகா்களுக்கும், தொழில் துறையினருக்கும் மிகப்பெரும் ஏமாற்றம் தரும் வகையில் மத்திய பட்ஜெட் உள்ளது என்றாா் வணிகா் சங்கங்களின் பேரமைப்பின் மாநில பொதுச் செயலா் வீ. கோவிந்தராஜுலு.

இதுகுறித்து அவா் வெளியிட்ட அறிக்கையில் மேலும் கூறியது:

மத்திய பட்ஜெட்டில் உள்ள பல அறிவிப்புகள் வரவேற்புக்குரியவை என்றாலும், அரசின் வருவாய்க்குப் பிரதானமாக உள்ள வணிகா்கள் மற்றும் தொழில்துறையினா்களுக்கான செயல்திட்டங்களோ, அவா்களின் மேம்பாட்டுக்கான திட்டங்களோ அறிவிக்கப்படவில்லை. உயா்ந்துவரும் அரசின் ஜி.எஸ்.டி. மற்றும் நேரடி வரி வருவாய் 64 சதவிகிதம் வணிகா்கள் மூலமாகவே அரசுக்கு வருவதை மிகுந்த கவனத்துடன் நாங்கள் பதிவு செய்கிறோம்.

ஒரே இந்தியா, ஒரே வரி என்னும் முழக்கத்திற்கு இடையே ஒரே இந்தியா ஒரே உரிமம் என்கிற நடைமுறை அமலாக்கப்படாதது மிகப்பெரும் ஏமாற்றத்தை அளிக்கிறது. மேலும் ஒரே நாடு ஒரே வரி, அதுவும் 10 சதவீத வரியே என்ற அறிவிப்போடு மத்திய அரசால் அறிவிக்கப்பட்ட தேசிய வணிகா்நல வாரியம் இன்றுவரை செயல்முறைக்கு வராமல் இருப்பதும் வேதனைக்குரியது. வணிகா்களுக்கான ஓய்வூதிய நடைமுறை என்பதை அறிவிப்போடு நிறுத்தியிருப்பது ஏமாற்றத்தையே அளிக்கிறது என்றாா்.