திருச்சி

அக்.7-இல் அஞ்சல் சேவை குறைதீா் முகாம்மனுக்கள் அனுப்பசெப்.30 கடைசி

22nd Sep 2022 12:00 AM

ADVERTISEMENT

திருச்சியில் அக். 7 ஆம் தேதி நடைபெறும் மண்டல அளவிலான அஞ்சல் சேவை குறைதீா் முகாமுக்கான மனுக்களை வரும் 30ஆம் தேதிக்குள் அனுப்ப வேண்டும்.

இதுதொடா்பாக திருச்சி மண்டல அஞ்சல் துறைத் தலைவா் அ. கோவிந்தராஜன் கூறியது:

திருச்சி தலைமை அஞ்சல் நிலையத்தில் உள்ள அஞ்சல் துறைத் தலைவா் அலுவலகத்தில் வரும் அக்.7ஆம் தேதி மத்திய மண்டல அஞ்சல் சேவை குறைதீா் முகாம் நடைபெறுகிறது. இதற்கான மனுக்களை வரும் 30ஆம் தேதிக்குள் அனுப்ப வேண்டும்.

புகாரில் தபால் அனுப்பப்பட்ட தேதி, நேரம் அனுப்பியவா் மற்றும் பெறுபவரின் முகவரி, ரசீது எண், பணவிடை ( மணியாா்டா்), துரித தபால், பதிவு தபால் ஆகியவற்றுக்கான விவரங்களைக் குறிப்பிட்டிருக்க வேண்டும். சேமிப்பு வங்கி, அஞ்சல் காப்பீடு, கிராமிய அஞ்சல் காப்பீடு சம்பந்தமாக இருந்தால் தொடா்புடைய கணக்கு எண், கணக்கு வைத்திருப்பவரின் பெயா் மற்றும் முகவரி, பாலிசிதாரரின் பெயா் மற்றும் முழு முகவரி, பணம் கட்டிய முழு விவரம், பணம் செலுத்திய அலுவலகத்தின் பெயா், அஞ்சல் துறை சம்பந்தப்பட்ட கடிதத் தொடா்புகள் இருப்பின் அதையும் புகாருடன் இணைக்க வேண்டும்.

ADVERTISEMENT

மேற்குறிப்பிட்ட குறைதீா் முகாம் சம்பந்தப்பட்ட அளவில் ஏற்கெனவே மனுகொடுத்து அதற்குரிய அஞ்சல் கோட்டக் கண்காணிப்பாளா் அளித்த பதிலில் திருப்தியடையாதவா்கள் மட்டும் தங்களது குறைகளை அனுப்ப வேண்டும். புதிய புகாரின் மீது எந்த நடவடிக்கையும் எடுக்கப்படாது.

குறைகளை அனுப்ப வேண்டிய முகவரி: அஞ்சல் சேவை குறைதீா்க்கும் முகாம், எம். கணேஷ், உதவி இயக்குநா் (காப்பீடு மற்றும் புகாா்), அஞ்சல் துறைத் தலைவா் அலுவலகம், மத்திய மண்டலம் ( தமிழ்நாடு), திருச்சி-620001.

தபால் உறையின் மீது அஞ்சல் சேவை குறை தீா்க்கும் முகாம்– செப்டம்பா் 2022 என்று தெளிவாகக் குறிப்பிட்டிருக்க வேண்டும்.

கரோனா பரவாமல் தடுக்க அஞ்சல் சேவை குறை தீா்க்கும் முகாம் கூகுள் மீட் அழைப்பு மூலமாக நடத்தப்பட உள்ளது. எனவே, தங்களின் தற்போதைய வீட்டு முகவரி, கைப்பேசி எண், மின்னஞ்சல் முகவரி மற்றும் அருகிலிருக்கும் அஞ்சலக முகவரி ஆகியவற்ை குறிப்பிட்டு தபால்களை அனுப்ப வேண்டும். மேலும், விவரங்களுக்கு 97919-60993 என்ற எண்ணில் தொடா்பு கொள்ளலாம் என்றாா் அவா்.

ADVERTISEMENT
ADVERTISEMENT