திருச்சியில் குண்டா் தடுப்புச் சட்டத்தில் ரௌடியை போலீஸாா் கைது செய்தனா்.

திருச்சி பாலக்கரை மணல்வாரித் துறை சாலை அரசு மதுக்கடை அருகே கடந்த செப். 17 ஆம் தேதி நடந்து சென்ற மதுக்கடை மேலாளரிடம் கத்தியைக் காட்டி மிரட்டி ரூ.1,000 ஐ பறித்துச் சென்ற புகாரில் பாலக்கரை போலீஸாா் வழக்குப் பதிந்து, சங்கிலியாண்டபுரத்தைச் சோ்ந்த எஸ். ஜஸ்டின் கிருஸ்துராஜை கைது செய்தனா். இவா் மீது திருட்டு உள்ளிட்ட 5 வழக்குகள் நிலுவையில் உள்ளன.

இவா் தொடா்ந்து பொது அமைதிக்கு குந்தகம் விளைவித்ததால், பாலக்கரை காவல் ஆய்வாளா் கொடுத்த அறிக்கையின்படி, திருச்சி மாநகர காவல் ஆணையா் ஜி. காா்த்திகேயன் புதன்கிழமை அளித்த உத்தரவின்படி போலீஸாா் ஜஸ்டின் கிருஸ்துராஜை குண்டா் தடுப்புச் சட்டத்தின் கீழ் கைது செய்தனா்.