திருச்சி

ஆரோக்கிய இந்தியா, மாா்பக புற்றுநோய் விழிப்புணா்வு ஓட்டம்

3rd Oct 2022 01:58 AM

ADVERTISEMENT

 

திருச்சியில் ஆரோக்கிய இந்தியா என்னும் தலைப்பிலும், மாா்பக புற்றுநோய் குறித்தும் ஞாயிற்றுக்கிழமை விழிப்புணா்வு ஓட்டங்கள் நடைபெற்றன.

தமிழ்நாடு விளையாட்டு மேம்பாட்டு ஆணையம், நேரு யுவகேந்திரா ஆகியவை இணைந்து மகாத்மா காந்தி பிறந்தநாளை முன்னிட்டு விளையாட்டுப் பயிற்றுநா்கள், வீரா், வீராங்கனைகள், பள்ளி, கல்லூரி மாணவ, மாணவிகள், தன்னாா்வலா்கள் பங்கேற்ற ஓட்டமானது அண்ணா விளையாட்டரங்கிலிருந்து தொடங்கியது. மாவட்ட ஆட்சியா் மா. பிரதீப்குமாா் தொடங்கி வைத்தாா்.

திருச்சி கோட்டாட்சியா் எஸ். தவச்செல்வம், நேரு யுவகேந்திரா அமைப்பின் மாவட்ட இளையோா் அலுவலா் எஸ். ஸ்ருதி, வட்டாட்சியா் த. கலைவாணி, மாநகராட்சி உதவி ஆணையா் அக்பா் அலி உள்ளிட்டோா் கலந்து கொண்டனா்.

ADVERTISEMENT

புற்றுநோய் விழிப்புணா்வு: மருத்துவா் கே. சாந்தா மாா்பகப் புற்றுநோய் அறக்கட்டளை, திருச்சி விஸ்வநாதன் மருத்துவமனைக் குழுமம் ஆகியவை இணைந்து மாா்பகப் புற்றுநோய் குறித்த விழிப்புணா்வு ஓட்டத்தை நடத்தின. இ.ஆா். மேல்நிலைப் பள்ளியிலிருந்து மாரத்தான் ஓட்டமாக நடைபெற்ற போட்டியை ரோட்டரி சங்க மாவட்ட ஆளுநா் ஜெரால்டு, மருத்துவா் சமீா் பாஷா, பள்ளித் தலைவா் ராகவன் ஆகியோா் தொடக்கி வைத்தனா். ஓட்டமானது மாநகரின் முக்கிய வீதிகள் வழியாக ஜமால் முகமது கல்லூரியை வந்தடைந்தது. இதேபோல தென்னூா் உழவா் சந்தையிலிருந்து தொடங்கிய ஓட்டத்தை ஆட்சியா் மா. பிரதீப்குமாா், மருத்துவா் அஸ்ரப் அயீஷா ஆகியோா் தொடங்கி வைத்தனா். ஓட்டத்தில் மருத்துவா்கள், செவிலியா்கள், ரோட்டரி சங்கத்தினா், பள்ளி, கல்லூரி மாணவ, மாணவிகள் பலா் கலந்து கொண்டனா். மாரத்தான் போட்டியில் வென்றோருக்கு ரூ.30 ஆயிரம் மதிப்பிலான ரொக்கப் பரிசு வழங்கப்பட்டது.

ADVERTISEMENT
ADVERTISEMENT