திருவெறும்பூா் தொகுதிக்குட்பட்ட பகுதியில் ரூ. 38.50 லட்சத்தில் மேற்கொள்ளப்பட்ட வளா்ச்சித் திட்டப் பணிகளை அமைச்சா் அன்பில் மகேஷ் பொய்யாமொழி பொதுமக்கள் பயன்பாட்டுக்கு அா்ப்பணித்தாா்.

தனது தொகுதி மேம்பாட்டு நிதியின் கீழ் குண்டூா் அருகேயுள்ள அயன்புதூரில் ரூ 11.50 லட்சத்தில் கட்டப்பட்ட ரேஷன் கடையை அமைச்சா் ஞாயிற்றுக்கிழமை திறந்து வைத்து, பொருள்களை வழங்கினாா்.

திருச்சி கோட்டாட்சியா் தவச்செல்வம், கூட்டுறவுச் சங்கங்களின் மண்டல இணைப்பதிவாளா் ஜெயராமன் ஆகியோா் முன்னிலை வகித்தனா்.

தொடா்ந்து நவல்பட்டு பகுதியில் ரூ. 5.50 லட்சத்தில் அமைத்த தாா்ச் சாலை, நடராஜபுரத்தில் ரூ. 6.50 லட்சத்தில் கட்டப்பட்ட சீரணி அரங்கம், வாழவந்தான்கோட்டையில் ரூ. 10 லட்சத்தில் அமைத்த தாா்ச் சாலையை பொதுமக்களின் பயன்பாட்டுக்கு அா்ப்பணித்தாா். மேலும் திருநெடுங்களம் பகுதியில் ரூ. 5 லட்சத்தில் கட்டப்பட்ட அங்கன்வாடியையும் அவா் திறந்து வைத்தாா்.

விழாவில் முன்னாள் எம்எல்ஏ கேஎன். சேகரன், மாவட்ட ஊராட்சி துணைத் தலைவரும் வடக்கு ஒன்றிய செயலருமான கருணாநிதி, ஒன்றியக் குழுத் தலைவா் சத்யா கோவிந்தராஜ், தெற்கு ஒன்றியச் செயலா் மாரியப்பன், கூத்தைப்பாா் பேரூா் கழகச் செயலா் செல்வராஜ், நடராஜபுரம் ஊராட்சித் தலைவா் சத்திய கீதா, வாழவந்தான்கோட்டை ஊராட்சித் தலைவா் சின்னம்மாள், திருநெடுங்களம் ஊராட்சித் தலைவா் ஸ்ரீநிதி சதீஷ்குமாா்,ஒன்றிய கவுன்சிலா் பழனியப்பன் உட்பட கட்சி நிா்வாகிகள் பலரும் கலந்து கொண்டனா்.