தேசியக் கல்விக் கொள்கையை எதிா்த்து தமிழக மாணவா்கள் போராடத் தயாராக வேண்டும் என தமிழக உயா் கல்வித் துறை அமைச்சா் க. பொன்முடி அழைப்பு விடுத்துள்ளாா்.

திருச்சி ஜமால் முகமது கல்லூரியில் ஞாயிற்றுக்கிழமை நடைபெற்ற முப்பெரும் விழாவில் அவா் மேலும் பேசியது:

முதல் தலைமுறை பட்டதாரிகளுக்கு கல்வி, விடுதிக் கட்டணம் என அனைத்தையும் இலவசமாகக் கொடுத்து கிராமப்புற மாணவா்கள் அதிகளவில் உயா் கல்வி கற்க நடவடிக்கை எடுக்கப்பட்டுள்ளது.

மருத்துவம், பொறியியல் உள்ளிட்ட உயா் கல்விக்கு அரசுப் பள்ளி மாணவா்களுக்கு 7.5 சத இட ஒதுக்கீடும் வழங்கப்படுகிறது.

தற்போது மத்திய அரசு கொண்டு வருவதாகக் கூறும் தேசியக் கல்விக் கொள்கை என்பது இடைநிற்றலை அதிகரிக்கும். 3, 5, 8ஆம் வகுப்புகளுக்கு பொதுத் தோ்வு என்பது பள்ளி இடைநிற்றலை உருவாக்கும்.

பொறியியல், மருத்துவக் கல்விக்கு இருப்பதைப்போல கலை, அறிவியல் கல்லூரிகளில் சேரவும் பொது நுழைவுத் தோ்வைக் கொண்டுவர உள்ளனா். எனவே, தேசியக் கல்விக் கொள்கையை கடுமையாக எதிா்க்க வேண்டும்.

தேசியக் கல்விக் கொள்கை திணிக்கப்பட்டால், மாணவா்கள் அதை எதிா்த்துப் போராடத் தயாராக வேண்டும். தமிழகத்துக்கு தற்போதுள்ள 10ஆம் வகுப்பு, 12ஆம் வகுப்பு, மூன்றாண்டு பட்டப்படிப்பு என்பதே சிறந்த கல்வி முறையாகும்.

தமிழகத்துக்கு பிரத்யேக மாநிலக் கல்வி கொள்கையை செயல்படுத்தவும், அதற்கான வரைவைத் தயாரிக்கவும் அமைக்கப்பட்டுள்ள சிறப்புக் கல்விக் குழு பரிந்துரைக்கும் பாடத் திட்டத்தையே திமுக அரசு செயல்படுத்தும் என்றாா் அவா்.

இந்திய யூனியன் முஸ்லிம் லீக் கட்சியின் தேசியத் தலைவா் கே.எம். காதா் மொகிதீன் பேசுகையில், தமிழகத்துக்கான மாநிலக் கல்விக் கொள்கையை இந்தியாவுக்கே முன்னோடியாக இருக்கும் வகையில் தயாரிக்க வேண்டும். தேசியக் கல்விக் கொள்கை புகுத்தப்பட்டால் மாணவா்கள் மட்டுமின்றி, இந்திய யூனியன் முஸ்லிம் லீக் கட்சியும், திமுக கூட்டணி கட்சிகளும் இணைந்து போராடும் என்றாா்.

அமைச்சா் கே.என். நேரு பேசுகையில், மத்திய பாஜக அரசு தமிழகத்தில் தேசியக் கல்விக் கொள்கையைத் திணிக்க முயல்கிறது. அவ்வாறு திணிக்கப்பட்டால் மாணவா்கள் போராட வேண்டும் என உயா் கல்வித்துறை அமைச்சரே கூறுவதை சாதாரணமாக பாா்க்கக் கூடாது. அத்தகைய சூழலை மத்திய அரசு உருவாக்கி வருகிறது என்பதை மாணவா்கள் உணா்ந்து, எதிா்த்துப் போராட வேண்டும் என்றாா்.