திருச்சி

பாபா் மசூதி இடிப்பு தினத்தில் ஆா்ப்பாட்டங்கள்

7th Dec 2022 01:47 AM

ADVERTISEMENT

திருச்சியில் பாபா் மசூதி இடிப்பு தினமான டிச. 6 ஆம் தேதியையொட்டி பல்வேறு அமைப்புகள் சாா்பில் செவ்வாய்க்கிழமை கண்டன ஆா்ப்பாட்டங்கள் நடைபெற்றன.

எஸ்டிபிஐ கட்சி : திருச்சி பாலக்கரை ரவுண்டானா பகுதியில் எஸ்டிபிஐ கட்சி சாா்பில் நடைபெற்ற ஆா்ப்பாட்டத்துக்கு, திருச்சி தெற்கு மாவட்டத் தலைவா் கே. முபாரக் அலி தலைமை வகித்தாா். செயலாளா்கள் மஜீத், ஜமால் முஹமது, மாவட்ட செய்தித் தொடா்பாளா் பக்ருதீன், தெற்கு மாவட்ட செயற்குழு உறுப்பினா்கள் தளபதி, அப்பாஸ், ரபீக், மா்சூக் ஆகியோா் முன்னிலை வகித்தனா்.

மாநில பொதுச் செயலா் அ. அஹமது நவவி சிறப்புரை ஆற்றினாா். மேலும் நாம் தமிழா் கட்சி மாநிலக் கொள்கைப் பரப்புச் செயலா் துரைமுருகன், ஜமாத்துல் உலமா சபை திருச்சி மாவட்டப் பொருளாளா் மௌலானாஅமீன் யூசுஃப் ஆகியோா் பேசினா்.

ஆா்ப்பாட்டத்தில் வழிபாட்டுத் தலங்கள் சட்டம்-1991 ஐ வலுவாக அமல்படுத்தி அனைத்து வழிபாட்டுத் தலங்களையும் மத்திய, மாநில அரசுகள், நீதித்துறை சாா்பில் பாதுகாக்க வலியுறுத்தப்பட்டது. தெற்கு மாவட்டப் பொது செயலா் தமீம் அன்சாரி வரவேற்றாா்.

ADVERTISEMENT

தமுமுக: தமிழ்நாடு முஸ்லிம் முன்னேற்றக் கழகம் சாா்பில் திருச்சி, மரக்கடைப் பகுதியில் நடைபெற்ற ஆா்ப்பாட்டத்துக்கு கிழக்கு மாவட்டத் தலைவா் எம்.ஏ. முகமது ராஜா தலைமை வகித்தாா். தலைமைப் பிரதிநிதி கோவை சாதிக் அலி , திராவிட பேச்சாளா் நாஞ்சில் சம்பத் , திருச்சி மாவட்ட ஜமாத் உலமா தலைவா் மௌலானா ரூகுல் ஹக் , காங்கிரஸ் கட்சியின் செய்தித் தொடா்பாளா் திருச்சி வேலுச்சாமி , தமுமுக மகளிா் பேரவை மாநில செயலா் ஷான் ராணி ஆலிமா ஆகியோா் பேசினா். தமுமுக மாவட்ட செயலா்கள் எஸ். இப்ராஹிம்ஷா, என். இலியாஸ், மனிதநேய மக்கள் கட்சி மாவட்டச் செயலா்கள் ஏ. இப்ராஹிம்,ஏ.அஷ்ரப் அலி, மாவட்டப் பொருளாளா்கள் எம். ஹூமாயூன், என். காஜா மொய்தீன், மாவட்ட துணை தலைவா் அக்பா் உள்ளிட்டோா் பங்கேற்றனா். மேற்கு மாவட்டத் தலைவரும், மாநகராட்சி கவுன்சிலருமான அ. பைஸ் வரவேற்றாா்.

 

 

 

ADVERTISEMENT
ADVERTISEMENT