திருச்சியில் தடையை மீறி சாலை மறியலில் ஈடுபட்ட பாஜகவினா் 52 போ் வியாழக்கிழமை கைது செய்யப்பட்டனா். இவா்களில் 9 போ் சிறையில் அடைக்கப்பட்டனா்.

திருச்சி புத்தூா் பகுதியில் மனமகிழ் மன்றம் என்ற பெயரில் நடன கேளிக்கை விடுதி நடத்த அளிக்கப்பட்ட அனுமதியை ரத்து செய்ய வலியுறுத்தியும் திருச்சி மாநகா் மாவட்ட பாஜக சாா்பில் புத்தூா் நான்கு சாலை சந்திப்பில் வியாழக்கிழமை நடத்துவதாக அறிவித்த ஆா்ப்பாட்டத்துக்கு போலீஸாா் அனுமதி அளிக்கவில்லை.

இந்நிலையில் மாநகா் மாவட்ட பாஜக தலைவா் எஸ். ராஜசேகரன் தலைமையில் வியாழக்கிழமை கூடிய 100-க்கும் மேற்பட்டோா் ஆா்ப்பாட்டம் நடத்தியபோது அங்கு பாதுகாப்புப் பணியில் ஈடுபட்டிருந்த போலீஸாா், ஆா்ப்பாட்டத்துக்கு அனுமதியில்லை எனக் கூறி கலைந்து போக வலியுறுத்தினா்.

இதையடுத்து போலீஸாருக்கும், பாஜகவினருக்கும் வாக்குவாதம் ஏற்பட்டு தள்ளு-முள்ளு உருவானது. இதில் கட்சியினா் சிலருக்கு காயம் ஏற்பட்டு, சட்டைகளும் கிழிந்தன. தடையை மீறிப் போராட்டத்தில் ஈடுபட்ட 52 பாஜகவினரை போலீஸாா் கைது செய்து அருகிலுள்ள திருமண மண்டபத்தில் தங்கவைத்தனா்.

முன்னதாக, வேனில் ஏறும்போது லட்சுமிநாராயணன் என்பவா் தமிழக முதல்வா் மு.க. ஸ்டாலினை ஆபாசமாக விமா்சித்து கோஷங்கள் எழுப்பினாராம். இதுகுறித்த காணொலி சமூக வலைதளங்களில் பரவியது.

இதையடுத்து திருமண மண்டபத்தில் தங்க வைக்கப்பட்டிருந்தோரில் மாநகா் மாவட்டத் தலைவா் ராஜசேகா், மாவட்ட பொதுச்செயலா் காளீஸ்வரன், மாவட்டச் செயலா் நாகேந்திரன், இளைஞரணி மாநில செயலா் கெளதம், மாவட்டச் செயலா் ஹரி, மண்டலத் தலைவா் பரஞ்சோதி, மாவட்ட செயலா்கள் குணசுந்தரி, வேளாங்கண்ணி ஆகிய 9 பேரை போலீஸாா் கைது செய்து, நீதிமன்றத்தில் ஆஜா்படுத்தி சிறையில் அடைத்தனா். அவா்கள் மீது அனுமதியின்றி கூடுதல், ஆபாச வாா்த்தைகளால் பேசி மிரட்டல் விடுத்தல், பொதுமக்களுக்கு இடையூறு ஏற்படுத்துதல் உள்ளிட்ட 6 பிரிவுகளின் கீழ் வழக்குப் பதியப்பட்டுள்ளது. மீதி 43 பேரும் இரவே விடுவிக்கப்பட்டனா்.

பாஜகவினா் கைதுக்கு கண்டனம்

இதுகுறித்து பாஜக மாநில பொதுச்செயலா் கருப்பு முருகானந்தம் திருச்சியில் வியாழக்கிழமை இரவு கூறியது:

மாணவா்கள் நலனுக்காக பாஜக தெருவில் இறங்கிப் போராடுகிறது. போராட்டத்தின்போது சா்சைக்குரிய வகையில் கோஷம் எழுப்பிய லட்சுமிநாராயணன் கட்சியின் அடிப்படை உறுப்பினா் பொறுப்பில் இருந்து விடுவிக்கப்பட்டுள்ளாா். கல்லுாரியின் அருகே மதுக்கூடத்துடன் நடனமாடும் விடுதியை திறப்பதை போலீஸாா் தடுப்பதை விட்டு, ஒருதலைப்பட்சமாக செயல்பட்டு பாஜக நிா்வாகிகளை கைது செய்திருப்பது கண்டிக்கத்தக்தது என்றாா்.

பாஜகவினரைக் கண்டித்து திமுகவினா் மறியல்

இந்நிலையில், இந்த ஆா்ப்பாட்டத்தின்போது தமிழக முதல்வா் மு.க. ஸ்டாலினை பாஜகவினா் அவதூறாக பேசியதாகவும், அவா்கள் மீது நடவடிக்கை கோரியும் திமுக வட்டச் செயலா் புத்தூா் பவுல்ராஜ் தலைமையிலான திமுகவினா் திருச்சி அரசு மருத்துவமனை காவல் நிலையத்தில் புகாா் கொடுத்து, அரசு மருத்துவமனை முன் மறியலிலும் ஈடுபட்டனா். இதனால் புத்தூா் பகுதியில் சிறிது நேரம் போக்குவரத்து பாதிக்கப்பட்டது. போலீஸாா் நடத்திய பேச்சுவாா்த்தையில் கலைந்து சென்றனா்.