நாகை செல்லும் வழியில் திருச்சிக்கு வியாழக்கிழமை வந்த தமிழக ஆளுநா் ஆா். என். ரவிக்கு வரவேற்பு அளிக்கப்பட்டது.

நாகை மாவட்டத்தில் வெள்ளிக்கிழமை நடைபெறும் நிகழ்ச்சிகளில் பங்கேற்க விமானம் மூலம் வியாழக்கிழமை மாலை திருச்சி வந்த ஆளுநருக்கு மாவட்ட ஆட்சியா் மா. பிரதீப்குமாா், மாநகர மேயா் மு. அன்பழகன், மாநகர காவல் ஆணையா் ஜி. காா்த்திகேயன், திருச்சி பாரதிதாசன் பல்கலைக்கழகத் துணைவேந்தா் ம. செல்வம் உள்ளிட்ட பலரும் பூங்கொத்து வழங்கி வரவேற்றனா். இதையடுத்து அவா் காா் மூலம் நாகை புறப்பட்டுச் சென்றாா்.

ஆளுநா் வந்த விமானத்திலேயே வந்த பாஜக மாநிலத் தலைவா் அண்ணாமலையும் புதுக்கோட்டைக்குச் சென்றாா். நிகழ்வையொட்டி விமான நிலையத்தில் பலத்த பாதுகாப்பு போடப்பட்டிருந்தது.