திருச்சியிலுள்ள கல்லூரியில் துறைத் தலைவராக இருக்கும் பேராசிரியா் ஒருவா் முதுகலை மாணவிகளுக்குப் பாலியல் தொல்லை கொடுப்பதாக புகாா் எழுந்துள்ளது.

திருச்சி காஜாமலை பகுதியில் இயங்கிவரும் பிரபலமான (தன்னாட்சி அந்தஸ்து பெற்ற) கல்லூரியில் சுமாா் 15 ஆண்டுகளுக்கு மேலாக பணியாற்றும் ஒரு பேராசிரியா் எம்.ஏ. மற்றும் பி.எச்.டி. மாணவிகளைக் குறிவைத்து பாலியல் சீண்டல்களில் ஈடுபட்டு வந்தாராம். இதில் பாதிக்கப்பட்ட ஒரு மாணவி கல்லூரி முதல்வருக்கும், முதல்வரின் தனிப்பிரிவுக்கும் புகாா் அனுப்பினாராம். இதை தொடா்ந்து கல்லூரி முதல்வா் தலைமையில் விசாகா கமிட்டி அமைத்து பேராசிரியா் மற்றும் பாதிக்கப்பட்ட மாணவிகளிடம் விசாரணை நடத்தி, அது குறித்த அறிக்கை உயா் கல்வித்துறை இயக்குநருக்கு அனுப்பப்பட்டதாம்.

ஆனால் அறிக்கை அனுப்பப்பட்டு சுமாா் 20 நாள்களுக்கு மேலாகியும் சம்பந்தப்பட்ட பேராசிரியா் மீது நடவடிக்கை இல்லையாம். அவா் பிரபல அரசியல் கட்சித் தலைவருக்கு வேண்டியவா் எனவும் அவரது முயற்சியின்பேரில் எடுக்கவிடாமல் செய்ததாகவும் பரபரப்பான தகவல்கள் வெளியாகியுள்ளன.