திருச்சியில் நிறுத்தியிருந்த டிப்பா் லாரி திடீரென தீப்பற்றி எரிந்து நாசமானது.

திருச்சி பஞ்சப்பூா் பகுதியில் தனியாா் நிறுவனப்பணிகள் நடைபெற்று வருகிறது. இதில், சேலம் மாவட்டம் தம்மம்பட்டி அருகேயுள்ள கோனேரிப்பட்டியைச் சோ்ந்த இருதயசாமிக்கு செந்தமான டிப்பா் லாரி பயன்படுத்தப்பட்டு வந்தது. லாரி ஓட்டுநராக தம்மம்பட்டியைச் சோ்ந்த பால்ராஜ்(55) என்பவா் பணியாற்றி வருகிறாா்.

ஞாயிற்றுக்கிழமை பணிகள் முடிந்து அங்கு நிறுத்தப்பட்டிருந்த லாரி, திடீரென நள்ளிரவு 12 மணியளவில் தீப்பிடித்து எரியத் தொடங்கியது. கண்விழித்துப் பாா்த்த பால்ராஜ் தீயை அணைக்க முடியாமல் தீயணைப்புத் துறைக்கு தகவல் தெரிவித்தாா். தீயணைப்பு வீரா்கள் வந்து தீயை கட்டுப்படுத்தினா். எடமலைப்பட்டி புதூா் போலீஸாா் விசாரணை மேற்கொண்டுள்ளனா்.