திருச்சி

அந்தமான் தமிழா் சங்கத்தில் இலக்கியச் சந்திப்பு

9th Aug 2022 02:00 AM

ADVERTISEMENT

அந்தமான் தமிழா் சங்கத்தில் இலக்கியச் சந்திப்பு நிகழ்ச்சி ஞாயிற்றுக்கிழமை நடைபெற்றது.

திருச்சியைச் சோ்ந்த இனிய நந்தவனம் மாத இதழ் சாா்பில் நடைபெற்ற நிகழ்ச்சிக்கு அந்தமான் தமிழா் சங்கத் தலைவா் எல். மூா்த்தி தலைமை வகித்தாா். செயலாளா் வே.காளிதாஸ், இனிய நந்தவனம் இதழாசிரியா் சந்திரசேகரன் ஆகியோா் முன்னிலை வகித்தனா்.

நிகழ்வில், தமிழ்நாட்டிலிருந்து வருகை தந்த கல்வெட்டு ஆய்வாளா் அறம் கிருஷ்ணாவுக்கு ஆய்வுச் செம்மல் விருதும், சமூக சேவகா் குகன் லோகநாயகனுக்கு சேவைச் செம்மல் விருதும், எழுத்தாளா்கள்

என்.சண்முகம், அ.க.இராசு, லோகசந்திரபிரபு, ப. நரசிம்மன், ராஜ்குமாா், ம.திருவள்ளுவா், ரா.ஜனாா்தனன், கோ.வெங்கடேசன் ஆகியோருக்கு இலக்கியச்சுடா் விருதுகளும் வழங்கப்பட்டது.

ADVERTISEMENT

விருதாளா்களை வாழ்த்தி அந்தமான் தமிழா் சங்கத் தலைவா் எல். மூா்த்தி பேசுகையில், தமிழ்நாட்டிலிருந்து இனிய நந்தவனம் இதழாசிரியா் சந்திரசேகரன் தலைமையில் ஆண்டுக்கு இரு அல்லது மூன்று முறையாவது எழுத்தாளா்களையும், பல இலக்கிய ஆளுமைகளையும் அந்தமான் தமிழா் சங்கத்துக்கு அழைத்து வந்து, இப்படி ஒரு இலக்கியச் சந்திப்பு நிகழ்த்துவது பெருமையாக உள்ளது. இதன்மூலம் அந்தமான் தமிழா்கள், தமிழ் ஆா்வத்தை வளா்த்துக் கொள்ளவும், தொடா்ந்து தமிழ்ப்பணிகளை செய்ய வேண்டும் என்ற உந்துதலையும் ஏற்படுத்தி, நமது தமிழா்களின் கலாசாரத்தையும் பண்பாட்டையும் மேம்படுத்திக்கொள்ள உதவியாகவும் இருக்கிறது என்றாா்.

இதையடுத்து, எழுத்தாளா்கள், தங்களின் நூல்களை தமிழா் சங்க நூலகத்துக்கு வழங்கினா். நிறைவாக விருதாளா்கள் சாா்பில் அறம் கிருஷ்ணன் ஏற்புரையாற்றி, நன்றி தெரிவித்தாா்.

நிகழ்வில், அந்தமான் தமிழா் சங்கத் துணைச் செயலாளா் சோழன் சுதாகரன், செயற்குழு உறுப்பினா்கள் மற்றும் அந்தமான் ரோட்டரி சங்கத் தலைவா் தினேசு போஜராசன் ஆகியோா் கலந்துகொண்டனா்.

 

ADVERTISEMENT
ADVERTISEMENT