திருச்சி

போலி ஆவணங்கள் மூலம் நிலத்தை அபகரித்தவா் கைது

30th Apr 2022 11:57 PM

ADVERTISEMENT

 

திருச்சி அருகே போலி ஆவணங்கள் மூலம் நிலத்தை அபகரித்த தொழிலாளியை நில அபகரிப்பு தடுப்புப் பிரிவு போலீஸாா் வெள்ளிக்கிழமை கைது செய்தனா்.

திருச்சி மாவட்டம், அளுந்தூா் அருகேயுள்ள கவுத்தநாயக்கன்பட்டியைச் சோ்ந்தவா் கணபதி. இவருக்குச் சொந்தமாக கவுத்த நாயக்கன்பட்டியில் உள்ள 1 ஏக்கா் நிலத்துக்கு அருகே அதே பகுதியைச் சோ்ந்த 5 சென்ட் நிலத்தின் உரிமையாளரான கூலித் தொழிலாளி ஆ. முத்துசாமி கணபதிக்குச் சொந்தமான நிலத்தில் 66 சென்ட் இடத்தையும் சோ்த்து தனது மகன் பாலசுப்பிரமணியனுக்கு போலி ஆவணங்கள் மூலம் கடந்த 2013ஆம் ஆண்டு பத்திரப் பதிவு செய்து கொடுத்துள்ளாா்.

இதையறிந்த கணபதி அதிா்ச்சியடைந்து திருச்சி மாவட்ட காவல் கண்காணிப்பாளரிடம் அளித்த புகாா் திருச்சி மாவட்ட நில அபகரிப்பு தடுப்பு சிறப்புப் பிரிவுக்கு மாற்றப்பட்டு, ஆய்வாளா் கவிதா வழக்குப்பதிந்து விசாரித்தாா்.

ADVERTISEMENT

அப்போது நிலத்தை அபகரித்தது உறுதியானதைத் தொடா்ந்து முத்துசாமியை போலீஸாா் வெள்ளிக்கிழமை கைது செய்து, அவரது மகன் பாலசுப்பிர மணியனை தேடுகின்றனா்.

ADVERTISEMENT
ADVERTISEMENT