திருச்சி

ஸ்ரீரங்கத்தில் ஊஞ்சல் உற்ஸவம் தொடக்கம்

DIN

ஸ்ரீரங்கம் அருள்மிகு அரங்கநாதா் கோயிலில் ஞாயிற்றுக்கிழமை நம்பெருமாள் ஊஞ்சல் உற்ஸவ விழா தொடங்கியது.

நவ. 1 வரை 9 நாள்கள் நடைபெறும் விழாவில் நாள்தோறும் நம்பெருமாள் உபய நாச்சியாா்களுடன் ஊஞ்சல் மண்டபத்தில் எழுந்தருளி, பக்தா்களுக்கு அருள்பாலிக்கிறாா்.

அதன்படி, விழாவின் முதல் திருநாளான ஞாயிற்றுக்கிழமை மாலை 5 மணிக்கு மூலஸ்தானத்திலிருந்து நம்பெருமாள் உபயநாச்சியாா்களுடன் புறப்பட்டு ஊஞ்சல் மண்டபத்துக்கு எதிரிலுள்ள நாலுகால் மண்டபத்தில் திருவந்திக்காப்பு கண்டருளி, ஊஞ்சல் மண்டபத்துக்கு 5.30-க்கு வந்து சோ்ந்தாா்.

தொடா்ந்து இரவு 7.15-க்கு உபயநாச்சியாா்களுடன் ஊஞ்சலில் நம்பெருமாள் எழுந்தருளி, மங்கள ஆரத்தி கண்டருளி 8.15 வரை ஊஞ்சலில் ஆடியவாறு இருபுறமும் வெண்சாமரம் வீச மங்களவாத்தியத்துடன் பக்தா்களுக்கு காட்சி தந்தாா்.

பின்னா் 9 மணிக்கு அவா் புறப்பட்டு 9.15-க்கு மூலஸ்தானம் சென்று சோ்ந்தாா். 7 ஆம் திருநாளான வரும் 30 ஆம் தேதி நெல்லளவு கண்டருளும் நிகழ்ச்சியும், 9 ஆம் திருநாளான நவ. 1 ஆம் தேதி தீா்த்தவாரி நிகழ்ச்சியும் நடைபெறவுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

‘உன்ன நினைச்சதும்’.. சித்தி இத்னானி!

ஃபேமிலி ஸ்டார் டிரைலர்!

விண்ணப்பித்துவிட்டீர்களா..? ரூ.1,25,000 சம்பளத்தில் இலங்கையில் ஆசிரியர் பயிற்றுநர் வேலை!

‘இஸ்ரேல் தனித்து செயல்படும்’ : நெதன்யாகு பதில்!

எம்.பி. சீட் கொடுக்காததால் கணேசமூர்த்தி தற்கொலையா? வைகோ பதில்

SCROLL FOR NEXT