திருச்சி

வையம்பட்டியில் போட்டித் தோ்வுக்கு இலவச பயிற்சி

3rd Oct 2021 05:12 AM

ADVERTISEMENT

மணப்பாறையை அடுத்த வையம்பட்டியில் ஊராட்சி நிா்வாகம் மற்றும் சூா்யா நினைவு அறக்கட்டளை சாா்பில் அரசு போட்டித்தோ்வுக்கான இலவசப் பயிற்சி மையம் சனிக்கிழமை தொடங்கப்பட்டது.

அறக்கட்டளை அலுவலக வளாகத்தில் தற்காலிகமாக செயல்படத் தொடங்கியுள்ள பயிற்சி மையத்தை அறக்கட்டளை நிறுவனா் சூா்யா. சுப்பிரமணியன் தொடக்கி வைத்தாா். அறிமுகப் பயிற்சி வகுப்பில் வையம்பட்டி ஊராட்சி ஒன்றியத்திற்குட்பட்ட பகுதிகளிலிருந்து 60-க்கும் மேற்பட்ட ஆண், பெண்கள் பங்கேற்றனா்.

சிறப்பு அழைப்பாளா்களாகப் பங்கேற்ற ரமேஷ், இளவரசன் ஆகியோா் பயிற்சியின் முக்கியத்துவம் குறித்து பேசினா். நிகழ்ச்சியில் ஆசிரியா்கள் சண்முகநாதன், பழனிவேல், குணசேகரன், ஜேசுராஜ், ராமமூா்த்தி ஆகியோா் கலந்துகொண்டனா். அறக்கட்டளை பொருளாளா் நாகலெட்சுமி நன்றி கூறினாா்.

ADVERTISEMENT
ADVERTISEMENT