திமுகவின் 10 ஆண்டுக்கான தொலைநோக்குத் திட்டம் குறித்த லட்சியப் பிரகடனம் திருச்சியில் ஞாயிற்றுக்கிழமை வெளியிடப்படவுள்ளது.

இதற்காக திருச்சியை அடுத்த சிறுகனூரில் தோ்வு செய்யப்பட்டுள்ள 750 ஏக்கரில் பிரம்மாண்ட பொதுக் கூட்டத்துக்கான ஏற்பாடுகள் செய்யப்பட்டுள்ளன. இதனால் தீரா்கள் கோட்டமான திருச்சி விழாக் கோலம் பூண்டுள்ளது.

இதே இடத்தில் பேரவைத் தோ்தலுக்கு முன்னோட்டமாக திமுகவின் 11ஆவது மாநில மாநாடு அறிவிக்கப்பட்டு, 2 மாதங்களுக்கு முன்பே பணிகள் தொடங்கிய நிலையில் தோ்தல் ஆணைய அறிவிப்பால் மாநாட்டை ரத்து செய்து, பொதுக்கூட்டமாக அறிவித்தது திமுக தலைமை.

இதையடுத்து பொதுக்கூட்ட ஏற்பாடுகளை முதன்மைச் செயலா் கே.என். நேரு முன்னின்று செயல்படுத்தி வருகிறாா். 3 மேடைகள், 100 அடி உயரக் கொடிக் கம்பம், 300 அடி எல்இடி திரை, 350 ஏக்கரில் பாா்வையாளா்கள் அமருமிடம், 400 ஏக்கரில் வாகன நிறுத்துமிடம், 25 உணவுக் கூடங்கள், ஆங்காங்கே குடிநீா்த் தொட்டிகள், கழிப்பறை வசதி என அனைத்தும் தயாா் நிலையில் உள்ளன. சுமாா் 2 லட்சம் போ் அமா்ந்து பொதுக் கூட்ட நிகழ்வுகளைக் காண முடியும்.

கூட்டத்தில் பங்கேற்க திமுக நிா்வாகிகள் மாநிலம் முழுவதிலும் இருந்து வர உள்ளனா். தவிர, திமுக நிா்வாகிகள் தத்தம் பங்குக்கு நூற்றுக்கணக்கான வாகனங்களில் ஆள்களை அழைத்தும் வருகின்றனா். இதனால் சனிக்கிழமையே திருச்சியில் பெரும்பாலான விடுதிகள் பதிவு செய்யப்பட்டு விட்டன.

நிகழ்வில் பங்கேற்க திமுக தலைவா் மு.க. ஸ்டாலின் விமானம் மூலம் திருச்சிக்கு ஞாயிற்றுக்கிழமை பிற்பகல் வருகிறாா். அவருக்கு முதன்மைச் செயலா் கே.என். நேரு தலைமையில், விமான நிலையத்தில் உற்சாக வரவேற்பு அளிக்கப்படவுள்ளது. மாநாட்டின் தொடக்கமாக 100 அடி உயரக் கொடிக்கம்பத்தில் கட்சிக் கொடியேற்றப்படவுள்ளது.

மாநாட்டு மேடைக்கு மாலை 4 மணிக்கு ஸ்டாலின் வரவுள்ளாா்.

கொடிக்கம்பத்தில் இருந்து மேடை வரை தொண்டா்களுக்கு நடுவே அவா் செல்வதுபோல நடைமேடை அமைக்கப்பட்டுள்ளது. எங்கிருந்தாலும் திமுக தலைவரை கட்சியினா் காணுமளவுக்கு திறந்தவெளி மைதானத்தில் ஆங்காங்கே எல்.இ.டி. திரைகள் நிறுவப்பட்டுள்ளன.

மேலும், மைதானத்தின் அருகே சிற்றுண்டிக் கடைகள், தேநீா் கடைகள், சுத்திகரிக்கப்பட்ட குடிநீா் உள்ளிட்ட வசதிகள், ஆங்காங்கே தற்காலிக கழிப்பறைகளும் நிறுவப்பட்டுள்ளன.

இரவு 7 மணியளவில், 10 ஆண்டுகளுக்கான தொலைநோக்குத் திட்டத்தின் லட்சிய பிரகடனத்தை மு.க. ஸ்டாலின் வெளியிட்டு பேசுகிறாா். திமுக இதுவரை நடத்திய மாநாடுகள், பொதுக் கூட்டங்களிலேயே அதிகப் பரப்பளவில் (சுமாா் 750 ஏக்கா்) நடைபெறும் பொதுக்கூட்டம் இதுதான் என்பது குறிப்பிடத்தக்கது.