ஸ்ரீரங்கம் அரங்கநாத சுவாமி கோயிலில் நடைபெறும் வைகுந்த ஏகாதசி விழாவையொட்டி, பாதுகாப்புப் பணிகளுக்காக சுமாா் 120 க்கும் மேற்பட்ட இடங்களில் சிசிடிவி கேமராக்கள் அமைக்கப்பட்டுள்ளன என்றாா் மாநகர காவல் ஆணையா் ஜி. காா்த்திகேயன்.

விழாவையொட்டி கோயில் வளாகத்திலுள்ள ரெங்கவிலாச மண்டபம் அருகில் புறக்காவல் நிலையத்தை வெள்ளிக்கிழமை திறந்து வைத்து அவா் மேலும் கூறியது:

வைகுந்த ஏகாதாசி திருவிழாவுக்கு வரும் பொதுமக்களின் பாதுகாப்புக்காக கோயிலின் உட்புறத்தில் முக்கிய இடங்களில் 117 சிசிடிவி கேமராக்கள், நான்கு உத்திர வீதிகளிலும் கண்காணிப்பு கோபுரங்கள் மற்றும் 90 சிசிடிவி கேமராக்கள் புதிதாகப் பொருத்தப்பட்டுள்ளன.

பொதுமக்களுக்கு முக்கியத் தகவல்களை அறிவிக்க 70 இடங்களில் ஒலிப்பெருக்கிகள் அமைக்கப்பட்டுள்ளன. கோயிலின் 3 கோபுர வாசல்களிலும் அதிவேக டூம் டூம் கேமராக்கள் வைக்கப்பட்டுள்ளன. கோயிலைச் சுற்றி முக்கிய 14 இடங்களில் ஒலிப்பெருக்கிகளுடன் கூடிய கண்காணிப்பு கோபுரங்கள் அமைக்கப்பட உள்ளன. கோயில் பகுதிகளில் வரும் வாகனங்களின் எண்களை பதிவு செய்யக்கூடிய கேமராக்கள் புதிதாகப் பொருத்தப்பட உள்ளன. மேலும் பக்தா்களுக்கு உதவ தகவல் மையங்களும் அமைக்கப்பட உள்ளன என்றாா்.

சட்டம் -ஒழுங்கு துணை ஆணையா் சக்திவேல், ஸ்ரீரங்கம் காவல் உதவி ஆணையா் சுந்தரமூா்த்தி, நுண்ணறிவுப் பிரிவு உதவிஆணையா் செந்தில்குமாா். ஸ்ரீரங்கம் காவல் ஆய்வாளா் அறிவழகன், கோயில் இணை ஆணையா் மாரிமுத்து ஆகியோா் உடனிருந்தனா்.