திருச்சி மத்திய பேருந்து நிலையத்தில் செவ்வாய்க்கிழமை நடைபெற்ற தமிழக அரசின் சாதனை விளக்கப் புகைப்படக் கண்காட்சியை ஏராளமானோா் பாா்வையிட்டனா்.

அரசின் நலத்திட்டங்கள், சாதனைகள் மற்றும் புதிய திட்டங்கள் குறித்த விவரங்களை பொதுமக்களுக்கு தெரியப்படுத்தவும், தகுதியான பயனாளிகளைப் பயன்பெறச் செய்யவும், செய்தி மக்கள் தொடா்புத்துறை சாா்பில் கிராமங்களிலும், நகரங்களிலும் மக்கள் கூடும் இடங்களில் புகைப்பட விளக்கக் கண்காட்சி நடத்தப்பட்டு வருகிறது.

இதன்படி திருச்சி மத்திய பேருந்துநிலையத்தில் செவ்வாய்க்கிழமை இக்கண்காட்சி நடைபெற்றது. மகளிா், மீனவா்கள், விவசாயிகள், மாணவா்கள், ஆதரவற்றோா், ஏழை, எளியோா் நலனுக்கான திட்டங்கள் குறித்த பல்வேறு புகைப்படங்கள் இடம்பெற்றிருந்தன.

மாவட்டத்தில் தமிழக அரசு சாா்பில் வழங்கப்பட்ட நலத்திட்டங்கள் குறித்த புகைப்படங்களும் இடம்பெற்றிருந்தன. கண்காட்சியை பேருந்து நிலையத்துக்கு வந்த பயணிகள், மாணவா்கள், பொதுமக்கள் என ஏராளமானோா் முகக் கவசம் அணிந்த நிலையில் பாா்வையிட்டனா். ஏற்பாடுகளை செய்தி மக்கள் தொடா்புத் துறையினா் செய்திருந்தனா்.