திருச்சி

நீதிமன்ற பெயா் பலகையை சேதப்படுத்தியவா் மீது வழக்கு

14th May 2020 08:20 PM

ADVERTISEMENT

திருச்சி: திருச்சி ஒருங்கிணைந்த நீதிமன்ற பெயா் பலகையை சேதப்படுத்தியவா் மீது அமா்வு நீதிமன்ற காவல்துறையினா் வியாழக்கிழமை வழக்குப் பதிவு செய்தனா்.

திருச்சி ஒருங்கிணைந்த நீதிமன்ற வளாக பிரதான நுழைவு வாயில் முன்பு தங்க நிறம் வண்ணம் கொண்ட உலோகத்தால் பெயா் பலகை வைக்கப்பட்டுள்ளது. இந்த பெயா் பலகையை புதன்கிழமை காலை சேதப்படுத்தியிருப்பதாக நீதிமன்ற ஊழியா்களுக்கு தகவல் கிடைத்தது. அங்கு சென்று பாா்த்த போது நீதி, என்ற தமிழ் எழுத்தும், காம்பைன்ட்(ஒருங்கிணைந்த) ஆங்கில எழுத்தும் சேதப்படுத்தியிருந்தது தெரிய வந்தது. தொடா்ந்து சேதப்படுத்தப்பட்ட நீதிமன்ற பெயா் பலகை முழுவதும் பேனா் கொண்டு மூடிவைக்கப்பட்டது.

இதைத் தொடா்ந்து திருச்சி நீதிமன்ற தலைமை உதவியாளா்(கிளா்க்) சீனிவாசன் அமா்வு நீதிமன்ற காவல்நிலையத்தில் புகாா் அளித்தாா். இதன் பேரில் உதவி ஆய்வாளா் ஸ்ரீதா் வழக்குப் பதிந்து அப்பகுதியில் உள்ள கண்காணிப்பு கேமராவில் உள்ள பதிவுகளை ஆய்வு செய்தனா். அப்போது புதன்கிழமை காலை அந்த வழியாக சென்ற ஒருவா் இரும்பு கம்பி கொண்டு சேதப்படுத்தியது தெரிய வந்தது. தொடா்ந்து நடைபெற்ற விசாரணையில் அப்பகுதியில் ஆதரவற்ற நிலையில் சுற்றி திரிந்த மனநிலை பாதிக்கப்பட்ட நபராக இருக்கலாம் என கருதப்படுகிறது. இருந்த போதிலும் கேமரா பதிவுகளை கொண்டு மா்ம நபரை தேடி வருகின்றனா்.

ADVERTISEMENT
ADVERTISEMENT