வியாழக்கிழமை 19 செப்டம்பர் 2019

ஸ்ரீரங்கம் கோயிலில் திருபவித்ரோத்ஸவ விழா தொடக்கம்: இன்று பூச்சாண்டி சேவை

DIN | Published: 10th September 2019 10:43 AM
கோப்புப் படம்

 

ஸ்ரீரங்கம் அரங்கநாதர் திருக்கோயிலில் திருபவித்ரோத்ஸவ விழா திங்கள்கிழமை தொடங்கியது. வரும் 17 ஆம் தேதி வரை 9 நாள்கள் நடைபெறும் இவ்விழாவின் முக்கிய நிகழ்ச்சியான பூச்சாண்டி சேவை செவ்வாய்க்கிழமை நடைபெறவுள்ளது.

ஸ்ரீரங்கம் கோயிலில் ஆவணி மாதத்தில் நடைபெறும் திருபவித்ரோத்ஸவ விழா பிரசித்தி பெற்றது. நிகழாண்டில் திங்கள்கிழமை தொடங்கிய இந்த விழாவின் முதல் நாளான திங்கள்கிழமை காலை 9.15 மணிக்கு  நம்பெருமாள் மூலஸ்தானத்தில் இருந்து புறப்பட்டு  9.45 மணிக்கு யாகசாலை (பூபரத்திய ஏகாதசி) மண்டபத்தை அடைந்தார். அங்கு 10.30 மணிக்கு திருவாராதனம் நடைபெற்றது.

பின்னர் மாலை 5 மணி முதல் இரவு 7 மணி வரை திருமஞ்சனம் கண்டருளினார். இதில் பக்தர்கள் திரளாகக் கலந்து கொண்டனர். தொடர்ந்து அலங்காரம் வகையறா கண்டருளி 11 மணிக்கு மூலஸ்தானம் சென்றடைந்தார் நம்பெருமாள்.
2 ஆம் நாளான செவ்வாய்க்கிழமை பூச்சாண்டி சேவை (அங்கோபாங்க) நடைபெற உள்ளது.  

விழாவின் 7 ஆம் நாளான வரும் 15 ஆம் தேதி நெல்லளவு கண்டருளுல் நிகழ்ச்சியும், நிறைவு நாளான 17 ஆம் தேதி தீர்த்தவாரி கண்டருளுதல் நடைபெறவுள்ளது. விழா ஏற்பாடுகளை கோயில் இணை ஆணையர் பொன்.ஜெயராமன் மற்றும் அறங்காவலர் குழுவினர் செய்து வருகின்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

திருச்சி: மறியலில் ஈடுபட்ட காங்கிரஸார் கைது
கலாம் கனவை நினைவாக்க களம் இறங்கும் மக்கள் குழு: கோவை, திருச்சி,சென்னையில் சிறப்புக் கூட்டம்


நாட்டுத் தோட்டா  வெடித்ததில் சிறுவன் காயம்

காவிரி-வைகை-குண்டாறு இணைப்பு திட்டத்தை செயல்படுத்த வேண்டும்: ஜி.கே.வாசன் வலியுறுத்தல்
வாய்க்கால்கள் ஆக்கிரமிப்பால் கடைமடைக்கு வராத காவிரி நீர்