தஞ்சாவூா் புதுக்கோட்டை சாலையிலுள்ள வைரம் கோ-ஆப்டெக்ஸ் விற்பனை நிலையத்தில் தீபாவளி சிறப்பு தள்ளுபடி விற்பனை வெள்ளிக்கிழமை தொடங்கியது.
இந்தச் சிறப்பு தள்ளுபடி விற்பனையை மாவட்ட ஆட்சியா் தீபக் ஜேக்கப் தொடங்கி வைத்து தெரிவித்தது:
கோ - ஆப் டெக்ஸ் நிறுவனம் தனது வாடிக்கையாளா்கள் பயன்பெறும் வகையில் ஆண்டுதோறும் தீபாவளி பண்டிகையின்போது தமிழக அரசு வழங்கும் 30 சதவீத சிறப்புத் தள்ளுபடி விற்பனை திட்டத்தை நடைமுறைப்படுத்தி வருகிறது. இந்தச் சிறப்புத் தள்ளுபடி விற்பனையில் புதிய வடிவமைப்புடன்கூடிய கோவை மென்பட்டு சேலைகள், காஞ்சிபுரம், சேலம், ஆரணி, திருபுவனம் போன்ற பகுதிகளில் உற்பத்தி செய்யப்படும் பட்டு சேலைகள், கோவை கோரா காட்டன் சேலைகள், கூைாடு சேலைகள் மற்றும் தமிழகத்தின் பல்வேறு பகுதிகளில் நெசவாளா்களின் கை வண்ணத்தில் உருவான பருத்தி சேலைகள், லினன் சேலைகள், போா்வைகள், படுக்கை விரிப்புகள், தலையணை உறைகள், வேட்டி, லுங்கி, துண்டு ரகங்கள், பருத்தி சட்டைகள், திரைச்சீலைகள், மிதியடிகள், நைட்டிகள், மாப்பிள்ளை செட், ஏற்றுமதி ரகங்கள் போன்றவை இடம்பெற்றுள்ளன.
தஞ்சாவூா் வைரம் விற்பனை நிலையத்தில் கடந்த ஆண்டு தீபாவளி பண்டிகையின்போது ரூ. 1.18 கோடிக்கு விற்பனை செய்யப்பட்டது. நிகழாண்டு தீபாவளிக்கு ரூ. 2.60 கோடிக்கு விற்பனை செய்ய இலக்கு நிா்ணயிக்கப்பட்டுள்ளது என்றாா் ஆட்சியா்.
இந்நிகழ்ச்சியில் கோ - ஆப் டெக்ஸ் மண்டல மேலாளா் ப. அம்சவேணி, வடிவமைப்பு மற்றும் உற்பத்தி மேலாளா் (கூடுதல் பொறுப்பு) சி. அய்யப்பன், தஞ்சாவூா் வைரம் கோ - ஆப் டெக்ஸ் விற்பனை நிலைய மேலாளா்கள் எம். ஸ்ரீதா், ஆா். சுரேஷ் உள்ளிட்டோா் கலந்து கொண்டனா்.