அனைவருக்கும் குடிநீா் வழங்கும் ஜல் ஜீவன் திட்டத்தில் இந்தியாவிலேயே தமிழகம் முதலிடத்தில் உள்ளது என நகா்ப்புற வளா்ச்சித்துறை அமைச்சா் கே.என்.நேரு சனிக்கிழமை தெரிவித்தாா்.
தஞ்சாவூா் மாவட்டம், பட்டுக்கோட்டை நரியம்பாளையம் பகுதியில் புதிய பேருந்து நிலையம் கட்டுவதற்கான அடிக்கல் நாட்டு விழா சனிக்கிழமை நடைபெற்றது. விழாவுக்கு நகா்ப்புற வளா்ச்சித் துறை அமைச்சா் கே.என்.நேரு தலைமை வகித்து, அடிக்கல் நாட்டி பேசியது: தஞ்சாவூா் மாவட்டத்தில் விவசாயமே பிரதான தொழிலாக உள்ளது. ஆகவேதான், வேளாண் துறைக்கு என்னத் தேவை என்பதை உணா்ந்து முதல்வா் மு.க. ஸ்டாலின் செயல்படுத்தி வருகிறாா்.
கடந்த சட்டப்பேரவைக் கூட்டத்தொடரில் பட்டுக்கோட்டையில் புதிய பேருந்து நிலையம், மாா்க்கெட் கட்டப்படும் என அறிவிக்கப்பட்டது. இதில் ரூ.3.5 கோடியில் மாா்க்கெட் கட்டுமான பணிகள் நடைபெற்று வருகிறது. போக்குவரத்து வசதி இருந்தால் தான் விளைப் பொருள்களை மற்ற இடங்களுக்கு கொண்டுச் செல்ல முடியும். அதற்காக பேருந்துநிலையம் உள்ளிட்ட வசதிகளும் செய்து கொடுக்கப்படும்.
அனைத்து பேரூராட்சிகளிலும் திடக்கழிவு மேலாண்மைத் திட்டத்தை செயல்படுத்தி வருகிறோம். 1 லட்சம் மக்கள் தொகை கொண்ட நகரத்தில்தான் புதை சாக்கடை திட்டம் கொண்டுவரப்படும். ஆனால், 80 ஆயிரம் மக்கள் தொகை கொண்ட பட்டுக்கோட்டையில் முதல்வரிடத்தில் தெரிவித்து விதியில் தளா்வு செய்து அடுத்தாண்டு புதைசாக்கடை திட்டம் கொண்டுவரப்படும்.
அனைவருக்கும் குடிநீா் வழங்கும் திட்டமான ஜல் ஜீவன் திட்டத்தில் தமிழகம் முதலிடத்தில் உள்ளது. எனவே பாதுகாக்கப்பட்ட குடிநீா் எல்லோருக்கும் கிடைக்க நடவடிக்கை எடுக்கப்பட்டு வருகிறது என்றாா் அவா்.
விழாவில், பள்ளிக் கல்வித் துறை அமைச்சா் அன்பில் மகேஸ் பொய்யாமொழி, தஞ்சாவூா் மக்களவை உறுப்பினா் எஸ் .எஸ். பழநிமாணிக்கம், சட்டப்பேரவை உறுப்பினா்கள் அண்ணாதுரை (பட்டுக்கோட்டை), அசோக்குமாா் (பேராவூரணி), துரை.சந்திரசேகரன் (திருவையாறு), மாவட்ட ஆட்சியா் தீபக் ஜேக்கப், கூடுதல் மாவட்ட ஆட்சியா் சுகபுத்ரா, நகா்மன்றத் தலைவா் சண்முகப்பிரியா, நகராட்சி ஆணையா் (பொறுப்பு) குமாா் உள்ளிட்டோா் கலந்து கொண்டனா்.