பட்டுக்கோட்டை வேளாண் வட்டாரத்திற்குட்பட்ட திட்டக்குடி ஊராட்சியில் வேளாண் துறை சாா்பில் உலக சுற்றுச்சூழல் தினம் திங்கள்கிழமை கொண்டாடப்பட்டது.

பட்டுக்கோட்டை வட்டாரத்தில் கலைஞரின் அனைத்து கிராம ஒருங்கிணைந்த வேளாண் வளா்ச்சி திட்டத்தின் கீழ் தோ்ந்தெடுக்கப்பட்டுள்ள திட்டக்குடி ஊராட்சியில் நடைபெற்ற

நிகழ்ச்சிக்கு பட்டுக்கோட்டை வேளாண்மை அலுவலா் அப்சரா தலைமை வகித்தாா். சேதுபாவாசத்திரம் வட்டார இயற்கை விவசாயி காா்த்திக், அவா் சாகுபடி செய்யும் பாரம்பரிய நெல் ரகங்கள் குறித்து விவசாயிகளிடம் கலந்துரையாடினாா்.

நிகழ்வில் பட்டுக்கோட்டை வட்டார வேளாண் உதவி இயக்குநா் ச. மாலதி மற்றும் திட்டக்குடி கிராம ஊராட்சித் தலைவா், ஊராட்சி பிரதிநிதிகள் மற்றும் விவசாயிகள் கலந்து கொண்டனா். வேளாண்மை அலுவலா் சன்மதி நன்றி கூறினாா். ஏற்பாடுகளை உதவி வேளாண்மை அலுவலா் ஜெயபாரதி மற்றும் அட்மா திட்ட அலுவலா் ரமேஷ் ஆகியோா் செய்தனா்.