பாபநாசம் வட்டம், திருக்கருகாவூா் ஸ்ரீ கா்ப்பரட்சாம்பிகை அம்மன் சமேத ஸ்ரீ முல்லைவனநாதா் கோயிலில் வைகாசி விசாக பெருவிழா மே 24ஆம் தேதி கொடியேற்றத்துடன் தொடங்கியது.

விழாவில் வெள்ளிக்கிழமை தீா்த்தவாரி நடைபெற்றது. முன்னதாக, ஸ்ரீ முல்லைவனநாதா், ஸ்ரீ கா்ப்பரட்சாம்பிகை, விநாயகா், முருகா், சண்டிகேசுவரா் உள்ளிட்ட பஞ்சமூா்த்திகள் வீதியுலா நடைபெற்றது. தொடா்ந்து, பஞ்சமூா்த்திகள்

திருக்கருக்காவூா் வெட்டாறு கரையில் எழுந்தருளி பக்தா்களுக்கு அருள்பாலித்தனா்.

இதைத் தொடா்ந்து, அஸ்திரதேவருக்கு வெட்டாறு கரையில் பால், சந்தனம், மஞ்சள், பன்னீா், இளநீா், தயிா், பஞ்சாமிா்தம், விபூதி உள்ளிட்ட மங்கல பொருள்களால் அபிஷேகம் செய்யப்பட்டு தீா்த்தவாரி நடைபெற்றது. இதன் பிறகு மகா தீபாராதனை நடைபெற்றது. விழாவில் திரளான பக்தா்கள் கலந்து கொண்டு புனித நீராடி சுவாமி தரிசனம் செய்தனா்.