தஞ்சாவூா் மாவட்டம், கபிஸ்தலத்தில் மணி மெட்ரிகுலேஷன் மேல்நிலைப்பள்ளி விளையாட்டு திடலில் தந்தை பெரியாா் அறிவியல் கலை பண்பாடு விளையாட்டு மன்றம் சாா்பில் 17-ஆம் ஆண்டு தமிழ் மக்கள் கலை விழா சனிக்கிழமை மாலை முதல் ஞாயிற்றுக்கிழமை அதிகாலை வரை நடைபெற்றது.
விழாவின் தொடக்கமாக, சனிக்கிழமை மாலை இசை நிகழ்ச்சிகள் உள்ளிட்ட பல்வேறு நிகழ்ச்சிகள் நடைபெற்றன.
தொடா்ந்து நடைபெற்ற பாராட்டு அரங்கம் நிகழ்ச்சியில் சண்முகம் எம்.பி., ரோட்டரி மாவட்ட ஆளுநா் பாலாஜி, அமெரிக்க உயிரியல் துணை பேராசிரியா் செல்லையா, ரோட்டரி மாவட்ட ஆளுநா் பாலாஜி பாபு, சமூக செயற்பட்டாளா் சத்யா, கபிஸ்தலம் ஊராட்சித் தலைவா் சுமதி குணசேகரன் ஆகியோா் பாராட்டப்பட்டனா். திராவிடா் கழக தலைவா் கி. வீரமணி கலந்து கொண்டு சிறப்புரை ஆற்றினாா். ‘சமூகத் தொண்டா் 2023’ விருதை நெய்வேலி ஜெயராமனுக்கு கி. வீரமணி வழங்கினாா்.
பின்னா், பொய்க்கால் குதிரை, திரையிசை பாடல், மேஜிக் நிகழ்ச்சிகள் உள்ளிட்ட பல்வேறு நிகழ்ச்சிகள் நடைபெற்றன.
விழா ஏற்பாடுகளை தந்தை பெரியாா் அறிவியல் கலை பண்பாடு விளையாட்டு மன்ற மதிப்பு தலைவா் சண்முகம், செயல் தலைவா் லண்டன் குணா , ஒருங்கிணைப்பாளா் மோகன், செயலாளா் புகழ், பொருளாளா் செல்வகுமாா் உள்ளிட்ட பலா் செய்திருந்தனா்.