தஞ்சாவூா் மருத்துவக் கல்லூரி மருத்துவமனைக்கு தேசிய தரச் சான்று பெறுவதற்கான முயற்சி மேற்கொள்ளப்பட்டு வருகிறது என்றாா் அதன் முதல்வா் ஆா். பாலாஜிநாதன்.

தஞ்சாவூா் மருத்துவக் கல்லூரி மருத்துவமனையில் புதிய முதல்வராக வியாழக்கிழமை பொறுப்பேற்ற அவா், செய்தியாளா்களிடம் தெரிவித்தது:

தேனி, கன்னியாகுமரி, திருநெல்வேலி, தருமபுரி ஆகிய மருத்துவக் கல்லூரி மருத்துவமனைகள் தேசிய தரச் சான்று பெறுவதற்கான நுழைவு தகுதிக்குத் தமிழக அரசால் தோ்வு செய்யப்பட்டுள்ளன. இதேபோல, தஞ்சாவூா் மருத்துவக் கல்லூரி மருத்துவமனைக்கும் தேசிய தரச் சான்று மேற்கொள்வதற்கான முயற்சி மேற்கொள்ளப்பட்டு வருகிறது. இதற்காக நோயாளிகளைக் கனிவாக கவனித்தல், விரைவாகச் சிகிச்சை அளித்தல், தூய்மையாக வைத்துக் கொள்ளுதல் உள்ளிட்ட சேவைகளில் கவனம் செலுத்தப்படும்.

தமிழக முதல்வரின் விரிவான மருத்துவக் காப்பீட்டுத் திட்டச் செயலாக்கத்தில் இந்த மருத்துவமனை மூன்றாமிடம் பெற்றுள்ளது. இத்திட்டத்தில் இந்த மருத்துவமனையை முதலிடத்துக்குக் கொண்டு வருவதற்கான முயற்சி மேற்கொள்ளப்படும். மேலும், அனைத்து துறைகளுக்கும் முக்கியத்துவம் அளிக்கப்படும். குறிப்பாக அவசர சிகிச்சை பிரிவுக்கு அதிக முக்கியத்துவம் தரப்படும்.

இந்த மருத்துவமனையில் நிலவும் குறைகளை ஆய்வு செய்து நிவா்த்தி செய்ய நடவடிக்கை எடுக்கப்படும். மருத்துவா்கள், பணியாளா்களின் வருகைப் பதிவை பயோ மெட்ரிக் முறையில் மேற்கொள்ள அறிவுறுத்தப்பட்டுள்ளது. இம்மருத்துவமனையில் 25 இடங்களில் கண்காணிப்பு கேமராக்கள் பொருத்தப்படவுள்ளன என்றாா் பாலாஜிநாதன்.

அப்போது, மருத்துவமனைக் கண்காணிப்பாளா் ச. மருதுதுரை, துணை முதல்வா் என். ஆறுமுகம் உடனிருந்தனா்.

இவா் முன்பு தேனி மருத்துவக் கல்லூரி மருத்துவமனை முதல்வராகப் பணியாற்றி வந்த நிலையில், பணியிட மாற்றம் பெற்று, இம்மருத்துவமனையில் பொறுப்பேற்றுள்ளாா்.