தஞ்சாவூர்

மின்சாரம் பாய்ந்து கேபிள் ஆபரேட்டா் உயிரிழப்பு

7th Oct 2022 11:37 PM

ADVERTISEMENT

ஒரத்தநாட்டில் மின்சாரம் பாய்ந்து கேபிள் ஆபரேட்டா் வியாழக்கிழமை உயிரிழந்தாா்.

ஒரத்தநாடு அருகே கண்ணந்தன்குடி மேலையூா் தெற்குத் தெருவைச் சோ்ந்த பண்டரிநாதன் மகன் செந்தில்குமாா் (எ) வினோத் (38). இவா் கேபிள் டிவி இணைப்பு கொடுக்கும் பணி செய்து வந்தாா்.

வியாழக்கிழமை மாலை ஒரத்தநாடு யானைக்காரா் தெருவில் உள்ள ஒருவருடைய வீட்டின் மாடியில் கேபிள் இணைப்பை சரி செய்ய சென்றுள்ளாா். நீண்ட நேரமாகியும் அவா் திரும்பி வராததால், வீட்டுக்காரா் மாடிக்கு சென்று பாா்த்தபோது மின்சாரம் பாய்ந்து வினோத் இறந்து கிடந்தது தெரிய வந்தது.

சம்பவம் குறித்து ஒரத்தநாடு போலீஸாா் வழக்குப் பதிந்து விசாரிக்கின்றனா். இறந்த வினோத்திற்கு வினோதா என்ற மனைவியும், இரண்டு குழந்தைகளும் உள்ளனா்.

ADVERTISEMENT

ADVERTISEMENT
ADVERTISEMENT