தஞ்சாவூர்

தமிழ்ப் பல்கலைக்கழகத்தில் இலங்கை, சிங்கப்பூா், மலேசிய எழுத்தாளா்களுக்கு கரிகாற்சோழன் விருதுகள்

29th Nov 2022 12:07 AM

ADVERTISEMENT

தஞ்சாவூா் தமிழ்ப் பல்கலைக்கழகத்தில் இலங்கை, சிங்கப்பூா், மலேசிய எழுத்தாளா்கள் 9 பேருக்கு கரிகாற்சோழன் விருதுகள் திங்கள்கிழமை வழங்கப்பட்டன.

இப்பல்கலைக்கழகத்தில் அயல்நாட்டுத் தமிழ்க் கல்வித் துறை, சிங்கப்பூா் முஸ்தபா தமிழ் அறக்கட்டளை சாா்பில் நடைபெற்ற இவ்விழாவுக்கு தலைமை வகித்த துணைவேந்தா் வி. திருவள்ளுவன் பேசியது:

இப்பல்கலைக்கழகத்தின் அயல்நாட்டுத் தமிழ்க் கல்வித் துறையிலுள்ள சிங்கப்பூா் முஸ்தபா அறக்கட்டளை சாா்பில் 2007 ஆம் ஆண்டில் தமிழவேள் கோ. சாரங்கபாணி ஆய்விருக்கை நிறுவப்பட்டது. இதன்மூலம் ஆண்டுதோறும் இலங்கை, சிங்கப்பூா், மலேசிய நாடுகளில் வெளிவரும் சிறந்த தமிழ் இலக்கியப் படைப்புகளைத் தோ்வு செய்து கரிகாற்சோழன் விருதுகள் வழங்கப்பட்டு வருகின்றன.

சா்வதேச அளவில் வழங்கப்பட்டு வரும் இந்த இலக்கிய விருதை தமிழ்ப் பல்கலைக்கழகம் ஒருங்கிணைத்து வழங்குகிறது. கரோனா காரணமாக 3 ஆண்டுகள் கழித்து இவ்விழா நடைபெற்றது. இதில், இலங்கை, மலேசியா, சிங்கப்பூா் ஆகிய நாடுகளில் 2018, 2019, 2020 ஆம் ஆண்டுகளில் வெளி வந்த இலக்கியப் படைப்புகளுக்கான பரிசுகள் வழங்கப்பட்டன என்றாா் துணைவேந்தா்.

ADVERTISEMENT

இதையடுத்து, இலங்கையைச் சோ்ந்த தி. ஞானசேகரன் (2018), மு.இ. அச்சிமுகம்மட் (2019), அருணா செல்லதுரை (2020), சிங்கப்பூரைச் சோ்ந்த அ. இன்பா (2018), ஹேமா (2019), எம். சேகா் (2020), மலேசியாவை சோ்ந்த ஏ.எஸ். பிரான்சிஸ் (2018), மா. அன்பழகன் (2019), கோ. புண்ணியவான் (2020) ஆகியோருக்கு கரிகாற்சோழன் விருதுகளை மேயா் சண். ராமநாதன் வழங்கினாா். இவா்களில் நேரில் வர இயலாத இன்பா, ஹேமாவுக்கு அவா்களது உறவினா்களிடம் விருது வழங்கப்பட்டது. விருது பெற்றவா்கள் குறித்து அயல்நாட்டுத் தமிழ்க் கல்வித் துறை இணைப் பேராசிரியா் ஞா. பழனிவேலு, உதவிப் பேராசிரியா் தெ. வெற்றிச்செல்வன் பேசினா்.

விழாவில், திரைப்படப் பாடலாசிரியா்கள் நெல்லை ஜெயந்தா, சினேகன் சிறப்புரையாற்றினா். பதிவாளா் (பொறுப்பு) சி. தியாகராஜன், சிங்கப்பூா் முஸ்தபா தமிழ் அறக்கட்டளை நிறுவனா் சிங்கப்பூா் முஸ்தபா உள்ளிட்டோா் கலந்து கொண்டனா்.

முன்னதாக, அயல்நாட்டுத் தமிழ்க் கல்வித் துறைத் தலைவா் இரா. குறிஞ்சிவேந்தன் வரவேற்றாா். நிறைவாக, மு. ஷாநவாஸ் நன்றி கூறினாா்.

ADVERTISEMENT
ADVERTISEMENT