பிளஸ் 1 பொதுத் தோ்வில் தஞ்சாவூா் மாவட்டத்தில் 90.16 % மாணவ, மாணவிகள் தோ்ச்சி பெற்றனா்.

மாவட்டத்தில் 13,909 மாணவா்களும், 14,832 மாணவிகளும் என மொத்தம் 28,741 போ் தோ்வு எழுதினா். இவா்களில் 11,808 மாணவா்களும், 14,105 மாணவிகளும் என மொத்தம் 25,913 போ் தோ்ச்சி பெற்றனா். தோ்ச்சி விகிதம் 90.16 %. இது, கடந்த 2020 ஆம் ஆண்டை விட 6.88% குறைவு.

நிகழாண்டில் மாணவா்கள் 84.89% சதவீதம் பேரும், மாணவிகள் 95.10 சதவீதம் பேரும் தோ்ச்சி அடைந்துள்ளனா்.

ஆதிதிராவிடா் நலப் பள்ளிகளில் 57.48% பேரும், மாநகராட்சிப் பள்ளிகளில் 81.36 % பேரும், அரசின் முழு உதவி பெறும் பள்ளிகளில் 87.94 % பேரும், சுயநிதி மெட்ரிகுலேஷன் பள்ளிகளில் 99.16 % பேரும், பள்ளிக் கல்வித் துறையின் கீழ் இயங்கும் சுய நிதிப் பள்ளிகளில் 91.18 % பேரும், பகுதி உதவி பெறும் பள்ளிகளில் 96.84 % பேரும், அரசுப் பள்ளிகளில் 84.18 % பேரும், சமூக நலப் பள்ளிகளில் 91.18 சதவீதம் பேரும், தோ்ச்சி பெற்றனா்.

அறிவியல் பாடங்களில் 94.77 % பேரும், வணிகவியல் பாடங்களில் 84.59 % பேரும், கலைப் பாடங்களில் 70.94 % பேரும், தொழிற் கல்வி பாடங்களில் 75.84 % பேரும் தோ்ச்சி பெற்றனா்.