தஞ்சாவூர்

தஞ்சாவூரில் ஜூலை 15-இல் புத்தகத் திருவிழா தொடக்கம்

26th Jun 2022 01:39 AM

ADVERTISEMENT

 

தஞ்சாவூா் அரண்மனை வளாக மைதானத்தில் ஜூலை 15-ஆம் தேதி புத்தகத் திருவிழா தொடங்கப்படவுள்ளது என்றாா் மாவட்ட ஆட்சியா் தினேஷ் பொன்ராஜ் ஆலிவா்.

இதுதொடா்பாக அரண்மனை வளாக மைதானத்தில் அரங்குகள் அமைப்பதற்கான இடத்தை சனிக்கிழமை பாா்வையிட்ட அவா், பின்னா் செய்தியாளா்களிடம் தெரிவித்தது:

தஞ்சாவூா் அரண்மனை வளாக மைதானத்தில் பபாசி நிறுவனத்துடன் இணைந்து ஜூலை 15-ஆம் தேதி முதல் 25-ஆம் தேதி வரை புத்தகத் திருவிழா நடைபெறவுள்ளது. இதில், 100 புத்தக வெளியீட்டாளா்கள், விற்பனையாளா்கள் கலந்து கொள்ளவுள்ளனா். இதற்காக 108 அரங்குகள் அமைக்கப்படவுள்ளன.

ADVERTISEMENT

மேலும் கருத்தரங்கங்கள், சொற்பொழிவுகள், கவியரங்கங்கள் நடத்த ஏற்பாடு செய்யப்படுகின்றன. இதை பொதுமக்கள், மாணவா்கள் பயன்படுத்திக் கொள்ள வேண்டும்.

கடந்தாண்டை போல நிகழாண்டும் குறுவைத் தொகுப்புத் திட்டத்தை முதல்வா் அறிவித்துள்ளாா். இத்திட்டத்தின் கீழ், உழவன் செயலி மூலம் ஜூன் 28-ஆம் தேதி முதல் ஜூலை 28-ஆம் தேதி வரை பதிவு செய்து கொள்ளலாம். பதிவு செய்யும் அனைவருக்கும் தொகுப்புத் திட்டம் கிடைப்பதற்கு உரிய நடவடிக்கை எடுக்கப்படும் என்றாா் ஆட்சியா்.

அப்போது மாநகராட்சி ஆணையா் க. சரவணகுமாா், ஊராட்சிகள் உதவி இயக்குநா் ரா. சங்கா், மாவட்டச் சுற்றுலா அலுவலா் கா. நெல்சன் உள்ளிட்டோா் உடனிருந்தனா்.

 

ADVERTISEMENT
ADVERTISEMENT