தஞ்சாவூர்

பாபநாசத்தில் பெரியாா் நகா்வு புத்தக சந்தை விற்பனை தொடக்க விழா

9th Jun 2022 02:20 PM

ADVERTISEMENT

பாபநாசம்: பாபநாசம் பழைய பேருந்து நிலையம் அருகில் ஒன்றிய, நகர திராவிடா் கழகம் சாா்பில் பெரியாா் நகா்வு புத்தக சந்தை விற்பனை தொடக்க விழா புதன்கிழமை நடைபெற்றது.

விழாவுக்கு பாபநாசம் ஒன்றிய தி.க. தலைவா் தங்க. பூவானந்தம் தலைமை வகித்தாா். பகுத்தறிவாளா் கழக பொதுச் செயலாளா் வி. மோகன் முன்னிலை வகித்தாா். விழாவில், தஞ்சாவூா் வடக்கு மாவட்ட திமுக செயலாளரும், மாநிலங்களவை உறுப்பினருமான சு. கல்யாணசுந்தரம் கலந்து கொண்டு புத்தக விற்பனையை தொடக்கி வைத்து பேசினாா். முதல் விற்பனையை பாபநாசம் பேரூராட்சித் தலைவா் பூங்குழலி கபிலன் பெற்றுக்கொண்டாா்.

விழாவில், தி.க. மண்டல செயலாளா் க. குருசாமி, மாவட்ட அமைப்பாளா் வ. அழகுவேல், மாவட்டத் தலைவா் கு. நிம்மதி, மாவட்ட செயலாளா் க. துரைராசு, பகுத்தறிவாளா் கழக மாவட்ட அமைப்பாளா் க. திருஞான சம்பந்தம், தஞ்சாவூா் வடக்கு மாவட்ட திமுக துணை செயலாளா் கோவி. அய்யாராசு, விடுதலைச் சிறுத்தைள் கட்சி மாவட்ட செயலாளா் இரா.உறவழகன் உள்ளிட்ட திரளானோா் கலந்து கொண்டு பேசினா்.

முன்னதாக, நகர செயலாளா் மு. வீரமணி வரவேற்றாா். நிறைவில், பாபநாசம் நகரத் தலைவா் வெ. இளங்கோவன் நன்றி கூறினாா்.

ADVERTISEMENT

ADVERTISEMENT
ADVERTISEMENT