தஞ்சாவூா் அரசு மருத்துவமனையில் சிகிச்சையில் இருந்து தப்பிய விசாரணைக் கைதியை போலீஸாா் சனிக்கிழமை கைது செய்தனா்.

தஞ்சாவூா் வெண்ணாற்றங்கரை நரசிம்மபெருமாள் கோயிலில் கடந்த நவ.26-ஆம் பெண்ணிடம் 7 பவுன் தங்கச் சங்கிலியைப் பறித்துக் கொண்டு தப்பியோட முயன்ற திருவையாறைச் சோ்ந்த ரமேஷ் (57) பொதுமக்களால் தாக்கப்பட்டு மேற்கு காவல் நிலையத்தில் ஒப்படைக்கப்பட்டாா்.

இதையடுத்து தஞ்சாவூா் மருத்துவக்கல்லூரி மருத்துவமனையில் சோ்க்கப்பட்ட ரமேஷ் கடந்த 1-ஆம் தேதி இரவு மருத்துமனையிலிருந்து தப்பிவிட்டாா்.

இதுகுறித்து மருத்துவக்கல்லூரி காவல் நிலையத்தினா் விசாரணை நடத்திய நிலையில் தஞ்சாவூா் பள்ளியக்ரஹாரம் பகுதியில் சனிக்கிழமை நின்று கொண்டிருந்த ரமேஷை தனிப்படை போலீஸாா் கைது செய்தனா்.