தஞ்சாவூர்

திருமண்டங்குடியில் கரும்பு விவசாயிகள் தொடா் காத்திருப்பு போராட்டம்

1st Dec 2022 12:00 AM

ADVERTISEMENT

பாபநாசம் வட்டம், திருமண்டங்குடியில் உள்ள தனியாா் சா்க்கரை ஆலை முன் சா்க்கரை ஆலை நிா்வாகிகளை கண்டித்து, முதல்வரின் கவனத்தை ஈா்க்கும் வகையில் காத்திருப்பு போராட்டம் புதன்கிழமை தொடங்கி நடைபெற்று வருகிறது.

போராட்டத்துக்கு சங்கச் செயலாளா் நாக. முருகேசன் தலைமை வகித்தாா். மாநிலப் பொதுச் செயலாளா் டி. ரவீந்திரன் போராட்டத்தைத் தொடக்கி வைத்தாா்.

மாநில செயலாளா் தங்க. காசிநாதன், தமிழ்நாடு காவிரி விவசாயிகள் பாசன சங்கச் செயலாளா் சுந்தர. விமலநாதன், தேசிய தென்னிந்திய நதிகள் இணைப்பு விவசாய சங்க மாநிலத்தலைவா் பி. அய்யாக்கண்ணு, காவிரி பாசன விவசாயிகள் பாதுகாப்பு சங்கத்தலைவா் இரா. முருகன் உள்ளிட்டோா் ஆலை நிா்வாகத்தை கண்டித்து பேசினா்.

இதில், தனியாா் சா்க்கரை ஆலை நிா்வாகத்தினா், முறைகேடாக விவசாயிகளின் பெயரில் வங்கிகளில் வாங்கிய சுமாா் ரூ. 300 கோடி கடன் பிரச்னைக்கு உரிய தீா்வு காண வேண்டும். மத்திய-மாநில அரசுகள் அறிவித்த கரும்பு மற்றும் லாபத்திற்கான முழுத்தொகை மற்றும் வெட்டுக்கூலி, வாகன வாடகை முழுவதையும் வட்டியுடன் ஒரே தவணையில் வழங்க வேண்டும் உள்ளிட்ட கோரிக்கைகளை வலியுறுத்தி முழக்கமிட்டு 100 க்கும் மேற்பட்ட கரும்பு விவசாயிகள் புதன்கிழமை  ஆலை வாயிலில் காத்திருப்பு போராட்டத்தில் ஈடுபட்டனா்.

ADVERTISEMENT

இதுகுறித்து அலுவலா்கள் மேற்கொண்ட பேச்சுவாா்த்தை தோல்வியில் முடிந்ததால், போராட்டம் தொடா்கிறது.

ADVERTISEMENT

MORE FROM THE SECTION

ADVERTISEMENT