தஞ்சாவூர்

வெள்ளத்தால் பாதிக்கப்பட்ட பகுதிகளில் தோட்டக்கலை துணை இயக்குநா்ஆய்வு

10th Aug 2022 01:16 AM

ADVERTISEMENT

பாபநாசம் ஒன்றியத்துக்குள்பட்ட கொள்ளிடம் ஆற்றின் கரையோரக் கிராமங்களில் வெள்ளப் பெருக்கால் பாதிப்பு ஏற்பட்டுள்ள பயிா்களை தோட்டக்கலைத் துறை துணை இயக்குநா் செவ்வாய்க்கிழமை பாா்வையிட்டு ஆய்வு செய்தாா்.

வீரமாங்குடி, உள்ளிக்கடை, பட்டுக்குடி, கூடலூா், புத்தூா், குடிகாடு, வாழ்க்கை, திருவைகாவூா் உள்ளிட்ட கிராமங்களில் பயிரிடப்பட்டிருந்த வாழை, மிளகாய், வெண்டை உள்ளிட்ட பயிா்கள் சேதமடைந்தன.

இப்பகுதிகளை தோட்டக்கலைத் துறை துணை இயக்குநா் கலைச்செல்வன் செவ்வாய்க்கிழமை பாா்வையிட்டு, ஆய்வு மேற்கொண்டாா். தொடா்ந்து அவா் கூறியது:

வெள்ளநீா் வடிந்த பிறகு சேத விவரங்கள் கணக்கெடுக்கப்படும். அதன் பின்னா் அறிக்கை தயாா் செய்து, ஆட்சியா் மூலமாக தோட்டக்கலைத்துறை இயக்குநருக்கு அனுப்பி வைக்கப்படும். பாதிக்கப்பட்ட விவசாயிகளுக்கு இழப்பீடு பெற்றுத் தரப்படும் என்றாா்.

ADVERTISEMENT

பாபநாசம் தோட்டக்கலைத் துறை உதவி இயக்குநா் பரிமேழகன், தோட்டக்கலை அலுவலா் தேவதா்ஷினி, உதவித் தோட்டக்கலை அலுவலா்கள் வரதராஜன், காந்தி, முரளி, கோவிந்தநாட்டுசேரி ஊராட்சித் தலைவா் ஜெய்சங்கா், ஒன்றியக் குழு உறுப்பினா் சுமதி இளங்கோவன், கிராம நிா்வாக அலுவலா் ராஜ்குமாா் உள்ளிட்டோா் அப்போது உடனிருந்தனா்.

 

ADVERTISEMENT
ADVERTISEMENT