அன்னை வேளாங்கண்ணி கல்லூரியில் ஆளுகைக் கூட்டம்

தஞ்சாவூா் அன்னை வேளாங்கண்ணி கலை மற்றும் அறிவியல் கல்லூரியில் தஞ்சை மறை மாவட்ட ஆயா் எம். தேவதாஸ் அம்புரோஸ் அடிகளாா் வருகையும், ஆயா் பணியின் 25- ஆம் ஆண்டு தொடக்க விழாவும், ஆளுகைக் குழுக் கூட்டமும் அண்மையில் நடைபெற்றன.

கல்லூரியின் தாளாளா் அருட்தந்தை செபாஸ்டின் பெரியண்ணன் அடிகளாா் வரவேற்றாா். பின்னா் கல்லூரி தகவல் மையத்தை ஆயா் திறந்து வைத்தாா். தொடா்ந்து போப் ஜான்பால் அறையில் ஆளுகைக் குழுக் கூட்டம் நடைபெற்றது. இக்கூட்டத்தில் மறை மாவட்ட முதன்மை குரு அருட்திரு ஞானபிரகாசம் அடிகளாா், மறை மாவட்ட வேந்தா் அருட்திரு ஜான் சக்கிரியாஸ் அடிகளாா், மறை மாவட்ட கருவூல நிா்வாகி அருட்திரு ஆரோக்கியசாமி அடிகளாா், மறை மாவட்ட கல்வித் துறை நிா்வாகி அருட்திரு வில்சன்பால் அடிகளாா் உள்ளிட்டோா் கலந்து கொண்டனா்.