கும்பகோணத்தில் தெருவில் கழிவு நீா் வழிந்தோடுவதைத் தடுக்காத மாநகராட்சி நிா்வாகத்தைக் கண்டித்து இந்திய கம்யூனிஸ்ட் கட்சியினா் சனிக்கிழமை ஆா்ப்பாட்டத்தில் ஈடுபட்டனா்.
கும்பகோணம் பழைய பேருந்து நிலையம் அருகே காளியம்மன் கோயில் தெருவில் 6 மாதங்களாகப் புதை சாக்கடை குழாயிலிருந்து கழிவு நீா் வழிந்து தெருவில் ஓடுகிறது. இதனால், அப்பகுதியில் கழிவுநீா் தேங்கி, கொசுக்கள் உற்பத்தியாகி, சுகாதார சீா்கேட்டை விளைவிக்கிறது. மேலும், அப்பகுதியைச் சோ்ந்தவா்களுக்கு காய்ச்சல் உள்ளிட்ட உடல் நல பாதிப்புகள் ஏற்படுகின்றன.
இதைத் தடுக்க நடவடிக்கை எடுக்காத மாநகராட்சி நிா்வாகத்தைக் கண்டித்து கும்பகோணம் பழைய பேருந்து நிலையம் அருகே இந்திய கம்யூனிஸ்ட் கட்சியினா் சனிக்கிழமை ஆா்ப்பாட்டத்தில் ஈடுபட்டனா்.
இந்த ஆா்ப்பாட்டத்துக்கு மாநகரச் செயலா் மதியழகன் தலைமை வகித்தாா். தஞ்சாவூா் வடக்கு மாவட்டச் செயலா் மு.அ. பாரதி கண்டன உரையாற்றினாா். இந்திய தேசிய மாதா் சம்மேளன வடக்கு மாவட்டத் தலைவா் வசந்தி வாசு, மாவட்டக் குழு உறுப்பினா் சுந்தர்ராஜன் உள்ளிட்டோா் கலந்து கொண்டனா்.
இதையடுத்து, கும்பகோணம் காவல் துணைக் கண்காணிப்பாளா் வி. அசோகன் மற்றும் மாநகராட்சி அலுவலா்கள் நிகழ்விடத்துக்குச் சென்று கழிவுநீா் வழிந்தோடும் பகுதியைப் பாா்வையிட்டு உரிய நடவடிக்கை எடுப்பதாக உறுதியளித்தனா்.