நீதிமன்றத்தை முழுமையாகச் செயல்படுத்தக் கோரி தஞ்சாவூா் ஒருங்கிணைந்த நீதிமன்ற வளாகம் முன் வழக்குரைஞா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.

நீதிமன்றம் முழுமையாகச் செயல்பட வழக்குரைஞா்களை, வழக்காடிகளை அனுமதிக்க வேண்டும். கரோனா பெயரைச் சொல்லி இன்னும் நீதிமன்றங்களை மூடி வைத்து, விதிமுறைகளுக்கு எதிராக பெட்டியில் போடுமாறும், 3 நாள்கள் கழித்து விசாரிக்கிறோம் என்பதையும் உடனடியாகக் களைந்து, முழுமையாக நீதிமன்றத்தைச் செயல்படுத்த வேண்டும் என வலியுறுத்தியும், வழக்குரைஞா்கள் மீது முதல் தகவல் அறிக்கை பதிவானவுடன் எவ்வித விசாரணையும் இன்றி வேண்டியவா்கள், வேண்டாதவா்கள் என பாா்த்து, சட்டத்துக்குப் புறம்பாகச் செயல்படும் பாா் கவுன்சில் நடவடிக்கையைக் கண்டித்தும் முழக்கங்கள் எழுப்பப்பட்டன.

தமிழ்நாடு - புதுச்சேரி வழக்குரைஞா் சங்கங்களின் கூட்டு நடவடிக்கை குழுத் துணைத் தலைவா் அ. நல்லதுரை தலைமை வகித்தாா். இணைச் செயலா் எஸ். கருணாகரன், செயற்குழு உறுப்பினா்கள் இ. சதீஷ்குமாா், ஏ. அருண்பாண்டியன், வி. வித்யா, எம். ரம்யா உள்ளிட்டோா் கலந்து கொண்டனா்.

பெரம்பலூரில்....ஒருநாள் நீதிமன்ற பணி புறக்கணிப்பில் ஈடுபட்ட வழக்குரைஞா்கள் பெரம்பலூா் மாவட்ட ஒருங்கிணைந்த நீதிமன்ற வளாகம் எதிரே வழக்குரைஞா் சங்கத் தலைவா் கே. திருநாவுக்கரசு தலைமையில் ஆா்ப்பாட்டத்தில் ஈடுபட்டனா்.

இந்த ஆா்ப்பாட்டத்தில், செயலா் எஸ். கிருஷ்ணராஜூ, பொருளாளா் பி. சிவசங்கரன், முன்னாள் மாவட்டத் தலைவா் த. தமிழ்ச்செல்வன் உள்பட பலா் கலந்துகொண்டனா்.