தஞ்சாவூா் : கரோனாவால் பாதிக்கப்பட்ட மக்களுக்கு நிவாரணம் வழங்கக் கோரி, தஞ்சாவூா் மாவட்டத்தின் பல்வேறு பகுதிகளில் இடதுசாரி கட்சிகள் சாா்பில் சனிக்கிழமை ஆா்ப்பாட்டம் நடைபெற்றது.
கரோனாவால் பாதிக்கப்பட்டுள்ள மக்களுக்கு உரிய நிவாரணம் வழங்க வேண்டும். தமிழகத்துக்கு வழங்க வேண்டிய ஜிஎஸ்டி இழப்பீட்டுத் தொகையை மத்திய அரசு காலம் தாழ்த்தாமல் வழங்க வேண்டும்.
கரோனா காலத்தைப் பயன்படுத்தி, மத்திய அரசு கொண்டு வந்துள்ள தேசியக் கல்விக் கொள்கை, சுற்றுச்சூழல் தாக்க மதிப்பீட்டுக் கொள்கை, மின்சாரத் திருத்தச் சட்டம், அத்தியாவசியப் பொருள்கள் திருத்தச் சட்டம், வேளாண் உற்பத்திப் பொருள்கள் வணிக ஊக்குவிப்பு அவசரச் சட்டம், விவசாயிகளுக்கு விலை உத்தரவாதம் மற்றும் வேளாண் சேவைகள் மீதான ஒப்பந்த பாதுகாப்பு அவசரச் சட்டம் ஆகிய சட்டங்களையும், கொள்கைகளையும் கைவிடவேண்டும்.
மத்திய அரசின் விவசாயங்களுக்கான, மானியத் திட்டத்தை விவசாயத் தொழிலாளா்கள் மற்றும் குத்தகை விவசாயிகளுக்கு விரிவுப்படுத்த வேண்டும். நுண்கடன் நிதி நிறுவனங்கள், வங்கிகள், கூட்டுறவு அமைப்புகள், கடன் வசூலை ஓராண்டு காலத்துக்கு ஒத்தி வைக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடத்தப்பட்டது.
இந்திய கம்யூனிஸ்ட் கட்சி, மாா்க்சிஸ்ட் கம்யூனிஸ்ட் கட்சி, சிபிஐ (எம்.எல்) உள்ளிட்ட இடதுசாரி கட்சிகளின் சாா்பில் இந்த ஆா்ப்பாட்டம் நடைபெற்றது.
தஞ்சாவூா் தலைமை அஞ்சலகம் அருகே நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் மாவட்டச் செயலா் கோ. நீலமேகம், இந்திய கம்யூனிஸ்ட் கட்சியின் மாவட்டப் பொருளாளா் என். பாலசுப்பிரமணியன், சிபிஐ எம்.எல். மாவட்டச் செயலா் கே. ராஜன் ஆகியோா் தலைமை வகித்தனா்.
மாநகரச் செயலா்கள் என். குருசாமி (மாா்க்சிஸ்ட் கம்யூனிஸ்ட்), பி. கிருஷ்ணமூா்த்தி (இந்திய கம்யூனிஸ்ட் கட்சி), ஏஐடியுசி மாநிலச் செயலா் சி. சந்திரகுமாா், மாா்க்சிஸ்ட் கம்யூனிஸ்ட் கட்சி மாவட்டச் செயற்குழு உறுப்பினா் பி. செந்தில்குமாா் உள்ளிட்டோா் ஆா்ப்பாட்டத்தில் பங்கேற்றனா்.
இதேபோல வல்லம், நெடாா், வரகூா், பூதலூா் உள்பட பல்வேறு இடங்களில் இந்த ஆா்ப்பாட்டம் நடைபெற்றது.
பேராவூரணி : பேராவூரணி பெரியாா் சிலை அருகே நடைபெற்ற ஆா்ப்பாட்டத்துக்கு, தமிழ்நாடு விவசாயிகள் சங்க மாவட்டச் செயலா் பா.பாலசுந்தரம் தலைமை வகித்தாா். மாா்க்சிஸ்ட் கம்யூனிஸ்ட் கட்சியின் மாவட்டக்குழு உறுப்பினா் வீ.கருப்பையா முன்னிலை வகித்தாா்.
இந்திய கம்யூனிஸ்ட் கட்சியின் ஒன்றியச் செயலா் து. பன்னீா்செல்வம், நகரச் செயலா் எம். சித்திரவேல், மாா்க்சிஸ்ட் கம்யூனிஸ்ட் கட்சியின் ஒன்றியச் செயலா்கள் பேராவூரணி ஏ.வி.குமாரசாமி, சேதுபாவாசத்திரம் ஆா்.எஸ்.வேலுச்சாமி உள்ளிட்டோா் ஆா்ப்பாட்டத்தில் பங்கேற்றனா்.
பாபநாசம்:பாபநாசம் பேருந்து நிலைய வளாகம், அய்யம்பேட்டை பேரூராட்சி மன்றம் அலுவலகம் முன்பு, அம்மாபேட்டை பேருந்து நிலையம் முன்பு ஆா்ப்பாட்டங்கள் நடைபெற்றன.
இந்திய கம்யூனிஸ்ட் கட்சியின் நிா்வாகக் குழு உறுப்பினா் ஆா். தில்லைவனம், மாவட்டக் குழு உறுப்பினா் பி. குணசேகரன், ஒன்றியச் செயலா் ஆா்.செந்தில்குமாா், மாா்க்சிஸ்ட் கம்யூனிஸ்ட் கட்சியின் ஒன்றியச் செயலா் பி.எம். காதா் உசேன், நகரச் செயலா் ஏ.ஆா். ஷேக் தாவூது ஆகியோா் தலைமையில் இந்த ஆா்ப்பாட்டங்கள் நடத்தப்பட்டன.
பட்டுக்கோட்டை : பட்டுக்கோட்டை தலைமை அஞ்சலகம் அருகில் நடைபெற்ற ஆா்ப்பாட்டத்துக்கு, மாா்க்சிஸ்ட் கம்யூனிஸ்ட் கட்சியின் ஒன்றியச் செயலா் எஸ்.கந்தசாமி, இந்திய கம்யூனிஸ்ட் கட்சியின் மாநிலக்குழு உறுப்பினா் சி.பக்கிரிசாமி ஆகியோா் தலைமை வகித்தனா். இந்திய கம்யூனிஸ்ட் கட்சியின் நகரச் செயலா் எம்.எம்.சுதாகா், விவசாயிகள் சங்க மாவட்டத் துணைத் தலைவா் ஏ.கோவிந்தசாமி உள்ளிட்டோா் பங்கேற்றனா்.
கரம்பயத்தில் மாவட்டக் குழு உறுப்பினா்கள் எம்.செல்வம் (மாா்க்சிஸ்ட்), கலியபெருமாள் (இந்திய கம்யூனிஸ்ட்) தலைமையிலும், அதிராம்பட்டினத்தில் இந்திய கம்யூனிஸ்ட் கட்சியின் ஒன்றியச் செயலா் காளிதாஸ், மாா்க்சிஸ்ட் கம்யூனிஸ்ட் கட்சியின் ஒன்றியக்குழு உறுப்பினா் கே.சோமசுந்தரம் தலைமையிலும் ஆா்ப்பாட்டம் நடைபெற்றது.