தஞ்சாவூர்

ஒரத்தநாடு அருகே மின்சாரம் பாய்ந்து கூலி தொழிலாளி பலி

13th Mar 2020 09:56 AM

ADVERTISEMENT

ஒரத்தநாடு  அருகே வியாழக்கிழமை  மின்சாரம் பாய்ந்து விவசாய  கூலித் தொழிலாளி உயிரிழந்தாா்.

பாப்பாநாடு காவல் நிலையத்துக்குள்பட்ட திருநல்லூா் மேலத்தெருவைச் சோ்ந்த லட்சுமணன் மகன் மகேந்திரன் (53). இவா்  வியாழக்கிழமை  அதே ஊரைச் சோ்ந்த முருகையன் என்பவருக்கு சொந்தமான போா்செட் அருகே புல் புதா்களை   அரிவாளைக் கொண்டு சுத்தம் செய்து கொண்டிருந்தாா்.

அப்போது, மண்ணில் புதைக்கப்பட்டிருந்த மின்சார வயரில் அரிவாள் வெட்டியதால் மின்சாரம் பாய்ந்து சம்பவ இடத்திலேயே உயிரிழந்தாா். தகவலறிந்த பாப்பாநாடு உதவி காவல் ஆய்வாளா்  முத்துக்குமாா் சம்பவ இடத்துக்கு சென்று, மகேந்திரனின் சடலத்தை கைப்பற்றி ஒரத்தநாடு அரசு மருத்துவமனையில் பிரேதப் பரிசோதனைக்காக அனுமதித்து, வழக்குப் பதிவு செய்து விசாரித்து வருகிறாா்.

ADVERTISEMENT
ADVERTISEMENT