தஞ்சாவூர்

பூண்டி பேராலயத்தில் நாளை மாதா பிறப்பு பெருவிழா தொடக்கம்

29th Aug 2019 08:47 AM

ADVERTISEMENT

தஞ்சாவூர் மாவட்டம், திருக்காட்டுப்பள்ளி அருகேயுள்ள பூண்டி மாதா பேராலயத்தில் புதுமை மாதா பிறப்புப் பெருவிழா வெள்ளிக்கிழமை (ஆக.30) மாலை தொடங்குகிறது. 
இதில், கும்பகோணம் மறை மாவட்ட ஆயர் எப். அந்தோணிசாமி கொடியைப் புனிதம் செய்து ஏற்றி வைக்கவுள்ளார்.
இவ்விழா தொடர்ந்து செப். 9-ம் தேதி வரை நடைபெறவுள்ளது. விழா காலத்தில் நாள்தோறும் மாலையில் சிறப்புத் திருப்பலியும், மறையுரையும், சிறு சப்பர தேர் பவனியும் நடைபெறவுள்ளன. இந்த விழாவின் முக்கிய நிகழ்ச்சியான செப். 8-ம் தேதி மாலை திருப்பலியும்,  மரியன்னையின் அக்கறை காட்டும் கரங்கள் என்ற தலைப்பில் மறையுரையும் நடைபெறவுள்ளன. பின்னர், இரவில் மின் விளக்குகளாலும், மலர்களாலும் அலங்கரிக்கப்பட்ட ஆடம்பரத் தேர் பவனி நடைபெறும். நிறைவு நாளான செப். 9-ம் தேதி காலை திருப்பலியும், மரியன்னையின் ஆசீர்வதிக்கும் கரங்கள் என்ற தலைப்பில் மறையுரையும் நடைபெறவுள்ளன.
 

ADVERTISEMENT
ADVERTISEMENT