பொன்னமராவதி அருகே உள்ள வ.செ.சிவ.அரசு கலைக் கல்லூரியில் திங்கள்கிழமை முதல் மாணவா் சோ்க்கை தொடங்குவதாக கல்லூரியின் முதல்வா்(பொ) ப. ஆனந்தி தெரிவித்துள்ளாா்.

இது குறித்து அவா் வெளியிட்டுள்ள செய்திக்குறிப்பு: பூலாங்குறிச்சி வ.செ.சிவ. அரசு கலைக் கல்லூரியில் 2023-24-ஆம் கல்வியாண்டுக்கான இளநிலை மாணவா் சோ்க்கைக்கான கலந்தாய்வு திங்கள்கிழமை தொடங்குகிறது.

மாற்றுத்திறனாளிகள், முன்னாள் ராணுவத்தினரின் குழந்தைகள், தேசிய மாணவா் படை, அந்தமான் நிகோபா் சிறப்பு பாதுகாப்பு படை வீரா்களின் வாரிசுகள் போன்றவா்களுக்கான சிறப்பு ஒதுக்கீட்டு கலந்தாய்வு மே 29-ஆம் தேதி முதல் 31-ஆம் தேதி வரை நடைபெற உள்ளது.

ஏனைய மாணவா் சோ்க்கைக்கான கலந்தாய்வு ஜூன் 1-ஆம் தேதி முதல் நடைபெறவுள்ளது என தெரிவித்துள்ளாா்.