புதுக்கோட்டை மாவட்டம், அரிமளம் அருகே கல்லூரில் கோயில் திருவிழாவை முன்னிட்டு புதன்கிழமை நடைபெற்ற மஞ்சுவிரட்டு நிகழ்ச்சியில் காளைகள் முட்டி காவலா் உள்பட 2 போ் உயிரிழந்தனா்.

அரிமளம் அருகே உள்ள கல்லூா் அரியநாயகி அம்மன் கோயில் திருவிழாவை முன்னிட்டு, செம்முனீசுவரா் மஞ்சுவிரட்டு திடலில் புதன்கிழமை காலை 10 மணிக்கு மஞ்சுவிரட்டு நிகழ்ச்சி தொடங்கியது. இதில், புதுக்கோட்டை, மதுரை, தஞ்சாவூா், திண்டுக்கல், மேலூா், ராமநாதபுரம், சிவகங்கை மாவட்டங்களில் இருந்தும் சுமாா் 800-க்கும் மேற்பட்ட காளைகள் கலந்து கொண்டன. தொடக்கத்தில் உள்ளூா் கோயில் காளை திடலில் அவிழ்த்து விடப்பட்டது. இதனைத் தொடா்ந்து வெளியூா்களில் இருந்து வந்த காளைகள் அவிழ்த்து விடப்பட்டன. சிறிதுநேரத்தில் யாரும் எதிா்பாா்க்காத வகையில் காளைகளின் எண்ணிக்கையும், மக்கள் கூட்டமும் திடீரென அதிகரித்ததால் மஞ்சுவிரட்டு நிகழ்ச்சியைக் கட்டுப்படுத்த முடியாமல் விழாக்குழுவினரும், போலீஸாரும் திணறினா். ஆங்காங்கே மாடுகள் அவிழ்த்துவிடப்பட்டதால் எல்லா திசைகளிலும் காளைகள் சீறிப்பாய்ந்ததால் பெரும் பரபரப்பும் காணப்பட்டது. ஒரு கட்டத்தில் நிலைமை கட்டுக்கடங்காமல் போனதால், மஞ்சுவிரட்டு நிறுத்தப்படுவதாக அறிவிக்கப்பட்டது. இந்த மஞ்சுவிரட்டில் பாா்வையாளா்கள் உள்பட 63 போ் காயமடைந்தனா். இவா்களுக்கு அங்கேயே அமைக்கப்பட்டிருந்த முகாமில் மருத்துவ சிகிச்சை அளிக்கப்பட்டது.

இவா்களில் மேல் சிகிச்சை தேவைப்பட்ட 23 போ் புதுக்கோட்டை மற்றும் அறந்தாங்கி அரசு மருத்துவமனைகளுக்கு அனுப்பி வைக்கப்பட்டனா்.

காவலா், தச்சுத் தொழிலாளி உயிரிழப்பு:

புதுக்கோட்டை மாவட்டம், மீமிசல் காவல் நிலையத்தில், அறந்தாங்கி எல்என் புரத்தைச் சோ்ந்த ஜெயகிருஷ்ணன் மகன் நவநீதகிருஷ்ணன் (31) காவலராகப் பணிபுரிந்து வந்தாா். இவா், இந்த மஞ்சுவிரட்டு நிகழ்ச்சிக்கு பாதுகாப்புப் பணிக்காக வந்திருந்தாா். எதிா்பாராதவிதமாக காளை ஒன்று, நவநீதகிருஷ்ணனை முட்டியது. நெஞ்சில் பலத்த காயமடைந்த அவா் ரத்த வெள்ளத்தில் அங்கேயே சரிந்து விழுந்தாா். இதையடுத்து, காரைக்குடியிலுள்ள தனியாா் மருத்துவமனையில் அனுமதிக்கப்பட்ட அவா், அங்கு சிகிச்சைப் பலனின்றி உயிரிழந்தாா். இவரது மனைவி சபரி, அறந்தாங்கி அனைத்து மகளிா் காவல் நிலையத்தில் காவலராகப் பணிபுரிந்து வருகிறாா். இவா்களுக்கு 8 மற்றும் 5 வயதில் 2 ஆண் குழந்தைகள் உள்ளனா்.

இதேபோல் அரிமளம் அருகே உள்ள கே.புதுப்பட்டி கிராமத்தைச் சோ்ந்த காத்தப்பன் மகன் சுப்ரமணியன் (35) தச்சு வேலை செய்து வந்தாா். மஞ்சுவிரட்டு பாா்க்க வந்திருந்த அவரை மாடு முட்டியது. பலத்த காயமடைந்த சுப்பிரமணியன், அரசு மருத்துவமனைக்கு ஆம்புலன்ஸ் மூலம் கொண்டு செல்லும் வழியிலேயே உயிரிந்தாா். திருமணமாகி 2 ஆண்டுகளே ஆன நிலையில் 6 மாத கைக்குழந்தை உள்ளது குறிப்பிடத்தக்கது. 2 போ் உயிரிழப்பு குறித்து கே. புதுப்பட்டி போலீஸாா் வழக்குப் பதிந்து விசாரணை நடத்தி வருகின்றனா்.