புதுக்கோட்டை மாவட்டம், இலுப்பூரில் அனைத்து மகளிா் காவல் நிலையத்தை டிஜிபி. சைலேந்திர பாபு சென்னையில் இருந்து காணொலி காட்சி மூலம் செவ்வாய்க்கிழமை திறந்து வைத்தாா்.

விராலிமலை பேரவைத் தொகுதிக்குள்பட்ட இலுப்பூா் உட்கோட்டத்தில் (சப்-டிவிஷன்) விராலிமலை, அன்னவாசல், காரையூா், இலுப்பூா் என நான்கு காவல் நிலையங்கள் உள்ளன. இந்த உட்கோட்டத்தில் பெண்களுக்கு எதிரான குற்றச் சம்பவங்கள் தொடா்பாக நடவடிக்கை எடுப்பது தொடா்பாக புகாா் அளிக்க, திருச்சி-புதுக்கோட்டை சாலையில் உள்ள கீரனூா் அனைத்து மகளிா் காவல் நிலையத்திற்கே செல்ல வேண்டும்.

இதனால், அந்தப் பகுதியில் அனைத்து மகளிா் காவல் நிலையம் அமைக்க வேண்டும் என்று பொதுமக்கள் கோரிக்கை விடுத்து வந்தனா். நீண்ட கால கோரிக்கையான அனைத்து மகளிா் காவல் நிலையத்தை இலுப்பூரில் அமைத்து கொடுத்த தமிழக அரசுக்கு வணிகா்கள், வா்த்தக சங்கத்தினா், பொதுமக்கள், சமூகநல அமைப்பினா் நன்றி தெரிவித்தனா். புதிதாக திறக்கப்பட்ட இந்த நிலையத்தில் 9 பெண் போலீஸாா் பணியமா்த்தப்பட்டுள்ளனா்.

இலுப்பூரில் நடைபெற்ற விழாவில், மாவட்டக் காவல் கண்காணிப்பாளா் வந்திதா பாண்டே, இலுப்பூா் துணை கண்காணிப்பாளா் காயத்ரி, திமுக பொதுக்குழு உறுப்பினா் பழனியப்பன், திமுக நகரச் செயலாளா் விஜயகுமாா், பேரூராட்சி துணைத் தலைவா் செந்தில்ராஜா, பேரூராட்சி முன்னாள் தலைவா் குருபாபு, காவல் ஆய்வாளா் ஹேமலதா உள்ளிட்டோா் பங்கேற்றனா்.