திருச்சி ஹோலிகிராஸ் கல்லூரியில் வியாழக்கிழமை நடைபெற்ற வேதியியல் துறை சாா்ந்த கெம்பெஸ்ட்- போட்டிகளில் புதுக்கோட்டை ஜெஜெ கலை அறிவியல் கல்லூரி மாணவா்கள் சிறப்பிடம் பெற்றுள்ளனா்.
இந்த கெம்பெஸ்ட் விழாவில் திருச்சி, புதுக்கோட்டை, தஞ்சாவூா் மாவட்டங்களைச் சோ்ந்த 15 கல்லூரிகளின் 250 வேதியியல் துறை மாணவா்கள் பங்கேற்றனா்.
புகைப்படம் எடுத்தல் பிரிவில் ஜெஜெ கல்லூரி மாணவா் ஜி. சபரீஷ் முதலிடத்தையும், ஆா். அஜித்பிரசாத், பி.ஆா். தீனதயாளன், வி. அருண்குமாா் ஆகியோா் கெம்கனெக்ஷன் போட்டியில் மூன்றாம் இடங்களையும் பெற்றனா்.
இவா்களை, கல்லூரியின் அறங்காவலா் கவிதா சுப்பிரமணியன், செயலா் நா. சுப்பிரமணியன், முதல்வா் ஜ. பரசுராமன், துறைத் தலைவா் சி. முத்துக்குமாா் ஆகியோா் வெள்ளிக்கிழமை பாராட்டினா்.